Metallýrgterdiń ekpindi eńbek vahtasy

Eýrazııalyq Top quramyndaǵy «Qazhrom» TUK» AQ fılıaly – Aqsý ferroqorytpa zaýytynda Táýelsizdiktiń 25 jyldyǵyna arnalǵan «Ekpindi eńbek vahtasy» atty onkúndiktiń ótýi barysynda 10 kúnde zaýytta 20 myń tonnadan astam ferroqorytpa óndirildi. Jalpy, alyp kásiporyndaǵy óndiristik kásibı jarys jyl saıy­n qalyptasqan dástúrge aınalǵan. Ferroqorytpa zaýytynyń metal­lýrgteri el Táýelsizdiginiń 25 jyl­dy­ǵyn óndiristik jetistiktermen qarsy almaq. Bıylǵy jyly osyndaı maqsattaǵy óndiristik jarys­tar 6-shy ret ótkizilip, ártúrli jas aralyǵyndaǵy 400-den astam me­­tallýrg qatysty. Olar – joǵa­ry kó­mirtekti ferrohromdy, ferro­sı­lıkomarganesti, ferrosılıkohromdy jáne ferrosılısııdi qory­tatyn zaýyttaǵy 24 qýatty pesh agre­gattarynyń balqytý sehtarynyń jumys­shylary. Konkýrstyń komıs­sııa­sy tek óndiristik kórsetkish­terdi ǵana eseptep qoımaı, jumys ornyndaǵy qaýipsizdik tehnıkasyn saqtaý, tártipti jáne ýchaskelerdiń tıisti deńgeıde bolýlaryn da nazarǵa alady. Jumys barysynda №6 peshtiń balqytýshylary birde-bir eskertý alǵan joq. Eýrazııalyq Toptyń quramyna kiretin elimizdegi «Qazhrom» trans­ulttyq kompanııasy» AQ fılıaly – Aqsý ferroqorytpa zaýyty alyp kásiporyndar qatarynda. О́n­diris ornynda 7 myńdaı adam eńbek etýde. Jylyna 1,2 mıllıon tonna ferroqorytpa óndiretin zaýyt bizdiń elimizde ǵana emes, álemdik metallýrgııa naryǵyndaǵy alyp kásiporyndardyń birinen sanalady. Bıyl zaýyttyń №1 balqytý sehynda kúrdeli jóndeýden ótken №15 pesh paıdalanýǵa berildi. Zaýyt dırektory Sergeı Prokopevtiń aıtýynsha, eski peshti jóndeý jumysy shilde aıynda bastalypty. Bul alyp peshte joǵary kómirtekti ferrohrom balqytylady. Endi jańǵyrtylyp, jóndelip, jańa zamanaýı júıe qondyrǵylarmen jabdyqtaldy. Iаǵnı, mehanıkalyq, gıdravlıkalyq jáne energetıkalyq qajettilikteri avtomattandyrý júıe­sine aýystyryldy. Alyp elektr peshiniń kúrdeli jóndeýi zaýyttyń ınvestısııalyq baǵdarlamasy aıasynda júzege asty. Peshti jańa zaman talaptaryna saı jabdyqtaýǵa, jań­ar­týǵa salynǵan ınvestısııa kó­lemi 1,4 mlrd teńge. Metallýrgııa sa­lasyndaǵy ozyq qural-jabdyqtar or­natyldy. Qaýipsiz ári ekologııalyq ja­ǵynan taza. Zamanaýı tehnologııa, ja­ńa peshtiń qosylýy zaýyttyqtar úshin ónimdilikke, únemdilikke úles. Pesh jylyna shamamen 50 myń tonna joǵary kómirtekti ferrohrom óndiredi. – Negizgi jáne qosalqy jabdyqty únemi jańalap turý – kásiporynnyń tabysty damýynyń kepili. Ekinshiden, qorshaǵan ortany jáne eńbekti qorǵaý salasyndaǵy zamanaýı talaptar eskeriledi. Kúrdeli jóndeý kezinde pesh qaıtadan jańalanyp, retteledi. Barlyq qurylys-montaj jumystaryn zaýyt mamandary júrgizdi. Qazir zaýyttaǵy eń qýatty qurylymy №6 sehty qaıta jańǵyrtý jumysyna daıyndyq jasalýda, – deıdi Sergeı Prokopev. О́ndiris ornyndaǵy maqsatty ınvestısııalyq baǵdarlamalar tıimdi oryndalýda. «Qazhrom» kompa­nııa­sy­nyń qýatty ınvestısııalyq baǵ­darlamasy barlyq fılıaldarǵa josparly jóndeýlerdi ýaqytynda jasaýǵa, jabdyqqa kezeńmen jańartý júrgizýge, ekologııalyq baǵdarlamany júzege asyrýǵa, zaýyttyqtardyń eń­bek jaǵdaılaryn jaqsartýǵa, eńbek ónimdiligin jáne joǵary sapaly ónim kólemin arttyrýǵa múmkindik berýde. Zaýytta óndiristi jańǵyrtý, qaıtadan jaraqtandyrý jumystary kezeń-kezeńmen júrgizilýde. – Biz únemi balqytýshylardyń Elbasymyz Nursultan Nazarbaevpen mamandyǵy bir ekenderin maqtanysh­pen aıtyp júremiz, – deıdi Aqsý fer­roqorytpa zaýytynyń dırektory Sergeı Prokopev. – Jáne jyl saıy­n kásiporynda mereıtoılarǵa arnap «Ekpindi eńbek vahtasy» onkúndigin  ótkizemiz. Bul óndiristik jarysty biz kásibı sheberliktiń baıqaýy dep esepteımiz. Úzdik metallýrgti anyq­taý ǵana emes, sondaı-aq olardyń eńbek jetistigine jetýi­lerine de yq­palyn tıgizedi. Al metallýrgter úshin Tuńǵysh Prezıdent kúnine oraı ma­rapatqa ıe bolý – úlken mártebe, bá­rinen de mańyzdy. Sóıtip, jarys sońynda №25 pesh­tiń metallýrgteri №2 sehtyń úzdik brıgadasy atandy. Al eń joǵary óndiristik kórsetkishter №1 balqytý bólim­shesiniń №16 agregatyna tıe­sili boldy. №6 seh kóshbasshysy qurmetin №62 peshtiń metallýrgteri ıelendi. Zaýyt boıynsha №43 pesh jumysshylary «Úzdik brıgada» atandy. Farıda BYQAI, «Egemen Qazaqstan» Pavlodar oblysy Aqsý qalasy