Vıse-premer Serik Jumanǵarın Úkimettiń ekonomıkalyq blogy aldynda turǵan strategııalyq mindetterdi júzege asyrý úshin vedomstvonyń úılesimdi jumys isteýi mańyzdy ekenin atap ótti.
«Byltyr Qazaqstannyń IJО́ 300 mlrd dollardan asty. Jan basyna shaqqandaǵy IJО́ mólsheri 15 myń dollarǵa jetti. Biz bıýdjet-salyq reformasyn júrgizdik. Onyń maqsaty – memlekettik qarjyny shoǵyrlandyrý. Al qazir bıýdjet shyǵystaryn odan ári ońtaılandyrýdaǵy negizgi ról Qarjy mınıstrligine júktelip otyr. Memleketimizdiń damýyndaǵy áleýmettik baǵyt-baǵdar saqtalady. Biraq barlyq bıýdjettik baǵdarlamaǵa qatań revızııa jasaımyz. Bıýdjet shyǵystaryna turaqty negizde tekseris júrgizemiz. Bıýdjet jobalaryn irikteý tetigin jetildirý qajet. Álbette, edáýir mindet Qarjy mınıstrligine júkteledi», dedi Serik Maqashuly.
Qarjy mınıstri Mádı Takıev jańa Konstıtýsııa jobasy men aldaǵy referendýmǵa toqtalyp, jańa zańda Ádiletti Qazaqstannyń negizgi baǵdarlary – zań aldynda barlyǵynyń teńdigi, teńgerimdi adal ekonomıka, múmkindikterdi ádil bólý jáne azamattardyń múddesine qyzmet etetin memleket konsepsııasy bekitilgenin aıtty.Sonymen qatar mınıstrlik qyzmetkerleriniń kúsh-jigeri halyqtyń ómir sapasyn jaqsartýǵa baǵyttalýy tıis ekenin jetkizdi.
Memlekettik qarjy jónindegi qoǵamdyq keńestiń jumysy da erekshe atap ótildi, al keńes tóraǵasy Jaqsybek Qulekeev usynystardyń barlyǵy Qarjy mınıstrligi tarapynan tolyq qaralǵanyn aıtty.
2025 jyly memlekettik bıýdjettiń kirisi (transfertterdi eseptemegende) 24,6 trln teńgege artty, kiris jospary 100,1% oryndaldy. 2026 jylǵa respýblıkalyq bıýdjetke túsetin salyq túsimderi 18,9 trln teńge kóleminde bekitildi, bul 2025 jylǵy mejeden 4,4 trln teńgege nemese 30,6% joǵary. Bıýdjettiń oryndalýy ekonomıkanyń ósimi, jańa Salyq kodeksi, salyqtyq jáne kedendik ákimshilendirýdi jaqsartý jáne fıskaldy prosesterdi sıfrlandyrý arqyly qamtamasyz etiletini aıtyldy.
Sondaı-aq 2025 jyly bıýdjettiń kiris-shyǵys bóligi «Memlekettik qarjynyń sıfrly kartasy» jobasy arqyly geonúktelerge baılanysty vızýalızasııalandy. Joba óńirlik bıýdjetterdegi kiris-shyǵys derekterdi, fıskaldy chekter men taýar analıtıkasy men táýekelderdi qamtıdy. Bıyl bul júıe JI-analıtıkasyn paıdalanyp, ulttyq ekonomıkany taldaýdyń tolyq platformasyna kóshýge baǵyttalǵan.
Prezıdent Úkimetke bıýdjet baǵdarlamalaryna revızııa júrgizýdi tapsyrdy
Kásipkerlerge qolaıly jaǵdaı jasaý maqsatynda Qarjy mınıstrligi «taza paraqtan» tetigin iske qosyp, mıkro jáne shaǵyn bızneske arnalǵan bir rettik aksııa ótkizdi, keıbir tekserýlerge ýaqytsha moratorıı engizildi. Bul sharalar bızneske júktemeni azaıtýǵa jáne kóleńkeli ekonomıkany tómendetýge baǵyttalǵan. Sonymen qatar memlekettik satyp alý, memlekettik aýdıt, salyqtyq jáne kedendik ákimshilendirýdi jetildirý, sıfrly jobalardy engizý, memlekettik múlikti basqarý jáne sıfrly teńgeni paıdalaný máseleleri qaraldy. Densaýlyq saqtaý men bilim berý salasyndaǵy qyzmetterdi tóleý jáne qarjy aǵyndarynyń ashyqtyǵyn qamtamasyz etý sharalary da talqylandy.
«Google salyǵy»: Qańtar aıynda bıýdjet qorjyny 8,7 mlrd teńgemen tolyqty
Sybaılas jemqorlyqqa qarsy is-qımylǵa erekshe nazar aýdarylyp, onyń aldyn alý elimizdegi basymdyqtardyń biri retinde qarastyryldy.
Otyrys sońynda qatysýshylar 2026 jyl Memleket basshysynyń strategııalyq mindetterin iske asyrýdaǵy mańyzdy kezeń ekenin, memlekettik qarjy júıesiniń sıfrly transformasııasyn nyǵaıtý, jasandy ıntellektini engizý, bızneske jańa tetiktermen qoldaý kórsetý jáne bıýdjet qarajatyn ashyq basqarý mınıstrliktiń basty baǵyttary bolyp qala beretinin atap ótti.
Jergilikti bıýdjetterdiń respýblıkalyq bıýdjetke táýeldiligi 34%-ǵa deıin tómendeıdi
