Tel-Avıvtegi saltanatty qabyldaý

Tel-Avıv qalasynda Qazaqstan Respýblıkasynyń 25 jyldyǵyna oraı saltanatty qabyldaý ótti, dep habarlady Qazaqstannyń Izraıldegi elshiligi. Qazaqstannyń Izraıldegi dostary olardyń ishinde Knessettiń (Parlament) depý­tattary, memlekettik organ­dar­dyń laýazymdy adamdary, úkimettik emes qoǵamdyq uıym­­dardyń músheleri, Izraılde akkredıttelgen dıp­lomatııalyq korpýs pen buqaralyq aqparat qu­ral­darynyń ókilderi bar, atal­ǵan resmı is-sharaǵa úlken bel­sendilikpen qatysty. Qonaqtar aldynda sóz sóı­legen Qazaqstannyń osy el­degi elshisi Dýlat Qýanyshev elimizdiń 25 jyl ishin­de jetken jetistikteri tý­ra­­ly baıandady, sonymen qatar, Qazaqstan men Izra­ıl­ arasyndaǵy qarym-qa­­ty­­nastardyń bıylǵy nátıjeleri týraly áńgimelep berdi. Osy jyldyń eki el arasyndaǵy eń mańyzdy oqıǵasy – Izraıl memleketiniń Pre­mer-mınıstri Bınıamın Neta­nıahýdyń Qazaqstanǵa tuń­ǵysh resmı sapary aldaǵy 14  jel­toqsanda, úlken mereke – Qazaqstan Respýblıkasy Táý­elsizdiginiń 25 jyldyǵy qar­sańynda ótkiziletindigin habarlady. Buǵan qosa, dıp­lomat keshtiń qonaqtaryn aldaǵy jyl basynda Almaty qalasynda ótetin Qysqy Ýnıversıada men Astanada ótkizilýi josparlanǵan «EKSPO-2017» halyqaralyq mamandyrylǵan kórmesine kelip qaıtýǵa shaqyrdy. Is-sharanyń qurmetti qo­na­ǵy Izraıldiń óńirlik ynty­maqtastyq mınıstriniń oryn­basary Aıýb Kara óziniń qut­tyqtaý sózinde Qazaqstan da­mýynyń deńgeıine joǵary ba­ǵa berdi, sonymen qatar, eki­jaqty qarym-qatynastar jaqsy óris alyp otyrǵanyn atap ótti. Mereıtoı sheńberinde Qazaqstannyń týrıstik áleý­eti­ne arnalǵan fotokórme uıym­dastyrylyp, elimiz týraly beınesıýjetter men aldaǵy jyl­ǵa josparlanǵan basty is-sha­ralar qamtylǵan beınerolık­ter kórsetildi. «Qazaqstan – Uly Dala eli» mo­bıldik qosymshasyna jar­namalyq naýqan uıym­das­ty­ryl­dy. Qonaqtar aldynda qazaq­stan­dyq ónerpazdar konsert qoıyp berdi.