Elordadaǵy Beıbitshilik jáne kelisim saraıynda «Qazaqstan arýy -2016» dástúrli sulýlyq baıqaýynyń jeńimpazdary anyqtaldy.
Sulýlyq baıqaýy bıyl jıyrmasynshy ret uıymdastyrylyp otyr. Beıbitshilik jáne kelisim saraıynyń sahnasyna elimizdiń ár óńiriniń sulýlary arasynan iriktelip, 25 úmitker shyqty. Olar dástúrli ulttyq kıimder men sándi keshki kóılekterde kórinip, saıys sońynda qazylar alqasy tarapynan qoıylǵan túrli suraqtarǵa jaýap berdi.
Saıys barysynda aldymen 25 úmitkerden 15-i tańdap alynsa, aqtyq básekede 15 arýdyń segizi baqtaryn synady. Al «Qazaqstan arýy-2016» jeńimpazyn negizinen otandastarymyzdyń ózi tańdady. Otandastarymyz sms habarlamalary arqyly ózderine unaǵan arýlarǵa daýys berdi.
Sonymen, óskemendik Anastasııa Ýsolseva úshinshi vıse-mıss, kókshetaýlyq Janar Naımanbaeva ekinshi vıse-mıss, al birinshi vıse-mıss astanalyq Elnaz Nurseıitovaǵa buıyrdy. Elimizdiń eń sul arýy, ıaǵnı, «Mıss Qazaqstan 2016» ataǵyn Qyzylorda qalasy atynan qatysqan Gúlbaný Ázimhanova jeńip aldy. Ol bes mıllıon teńge kólemindegi syıaqyǵa ıe boldy, ári elimiz atynan «Álem arýy 2017» halyqaralyq sulýlyq baıqaýyna joldama aldy.
Aıgúl SEIILOVA
«Egemen Qazaqstan»
Foto: Erlan OMAROV
