Orta salmaqta WBA (Super), IBO, WBC jáne IBF nusqalary boıynsha álem chempıony Gennadıı Golovkın (36-0, 33 KO) Gınnestiń rekordtar kitabyna endi, dep habarlady vesti.kz
Golovkın bul ataqqa qarsylastaryn kóbirek nokaýtpen jeńgeniniń arqasynda ıe boldy. Qazaqstandyq boksshynyń enshisinde 36 kezdesýde 36 jeńis, onyń 33-in nokaýtpen jeńgen. Osylaısha, onyń paıyzdyq kórsetkishi 91,67-ge teń. Bul orta salmaqtaǵy álem chempıondarynyń arasyndaǵy úzdik nátıje bolyp esepteledi.
Gınnestiń rekordtar kitabynyń kýáligin qazaqstandyq sportshy Gollıvdta ótip jatqan Búkilálemdik boks keńesiniń (WBC) 54-shi konvensııasynda aldy. Sonymen qatar, bul is-sharada ol qosymsha eki syılyqqa ıe boldy. Atalǵan keńes brıtanııalyq Kell Brýkpen aradaǵy jekpe-jekti «Jyl oqıǵasy» dep tanydy, sondaı-aq mereıi ústem boksshy retinde arnaıy syımen marapattady.
