25 qutqarýshy «nurotandyqtar» qataryn tolyqtyrdy

Elimizdegi qoǵamdyq – saıası turaqtylyqty, tynyshtyq pen birlikti qamtamasyz etýde «Nur Otan» partııasynyń úlesi zor. Sondyqtan da halyq bul partııaǵa  senedi, onyń baǵdarlamalyq baǵyttaryn qoldaıdy. Sonyń bir kórinisi partııa músheleriniń qatary jyl saıyn kóbeıe túsýde. Jaqynda «QR IIM TJK Aqtóbe oblysy  TJD jedel qutqarý jasaǵy» memlekettik mekemesiniń 25 qutqarýshysy el Táýelsizdiginiń 25 jyldyǵy qarsańynda «Nur Otan» partııasyna ótip, múshelik bıletterin saltanatty jaǵdaıda aldy. Partııa bıletterin tapsyrýǵa baılanysty saltanatty jıyndy qysqasha sóz sóılep ashqan «Jedel qutqarý jasaǵy» memlekettik mekemesiniń basshysy Qasymjan Baısadaqov bıylǵy jyldyń aıtýly tarıhı oqıǵasy - Táýelsizdiktiń 25 jyldyǵynyń elimiz aýmaǵynda keń kólemde merekelenýi ekenin atap ótti. Ol shırek ǵasyr ishinde Qazaqstandy álem tanyǵanyn tilge tıek ete kelip, qol jetken jetistikterimizdiń ǵasyrda júzege asyrylatyn jumystarǵa teń ekenin jetkizdi. Osy jyldarda qutqarý qyzmetinde de ilgerileýshilik bolǵanyna naqty derekter keltirdi. Saltanatty rásimde sóz alǵan Aqtóbe oblysy boıynsha tótenshe jaǵdaılar departamentiniń bastyǵy, azamattyq qorǵaý podpolkovnıgi Baýyrjan Syzdyqov «Nurotandyqtar»  qataryna qosylyp jatqan qutqarýshylarǵa partııa bıletterin tapsyryp, adam ómirimen tyǵyz baılanysty jumystarynda tabystar tiledi. Partııa bıletin alýshylar atynan qutqarýshy Erlan Orazǵalıev sóz alyp, óziniń Táýelsizdiktiń 25 jyldyǵy qarsańynda elimizdiń jetekshi saıası uıymy «Nur Otan» partııasyna ótip jatqanyna qýanyshty ekenin jetkizdi. Qazir osy 71 adam eńbek etetin ujymdaǵy bastaýysh partııa uıymynda 41 múshe bar. Satybaldy SÁÝIRBAI, «Egemen Qazaqstan». Aqtóbe.