EQQDB Qazaqstanǵa 1 mlrd eýro bóledi

Eýropalyq qaıta qurý jáne damý banki Qazaqstan ekonomıkasyna 800 mıllıonnan 1 mlrd eýroǵa deıin ınvestısııa quıýdy josparlap otyr, dep habarlaıdy Habar24. Bıyl 30-dan astam jobaǵa 900 mıllıon eýroǵa deıin qarjy bólmek. Bul – aýyl sharýashylyǵy, ınfraqurylym, energııa únemdeý men shaǵyn jáne orta bıznes salasyndaǵy jobalar. Bul týraly jyldyq jumysyn qorytyndylaǵan Eýropalyq qaıta qurý jáne damý bankiniń ókilderi habarlady. Bank sarapshylarynyń pikirinshe, Qashaǵan ken orny el ekonomıkasynyń damýyna aıtarlyqtaı úles qosýy tıis. Eger Qashaǵan táýligine 300 myń barrel ónim óndirse, onda Qazaqstannyń jalpy ishki ónimi qosymsha jarty paıyzǵa artady. Ázirge Qashaǵanda táýligine 100-120 myń barrel qara altyn óndirilip jatyr. Jalpy Eýropalyq qaıta qurý jáne damý bankiniń basshylyǵy el ekonomıkasyna oń baǵasyn berdi. Bank qarjysy salynǵan jobalar tabysty jumys istep keledi.