Donald Tramp dúısenbi kúni Exxon Mobil kompanııasynyń atqarýshy dırektory Reks Tıllersondy memlekettik hatshy laýazymyna taǵaıyndady, dep habarlaıdy New York Times.
Bul laýazymǵa erterekte Nıý-Iork ákimi Rýdolf Djýlıanı laıyq dep tanylǵan edi. Alaıda, Tramp óziniń eń jaqyn qoldaýshysyn emes, senatqa kandıdat retinde qarastyryp jatqan Exxon Mobil dırektoryn durys kórgen eken.
Tıllersonnyń kez kelgen áreketi saıasatkerler tarapynan jiti baǵalaýda bolady, dep jazady basylym. О́ıtkeni ol buryn Reseımen tyǵyz áriptestik ornatyp, 2013 jyly tipti Reseıdiń "Dostyq" ordenimen marapattalǵan edi.
Jalpy, sarapshylar munaı kompanııasynyń qyzmetkeri retinde jańa memlekettik hatshy AQSh múddesin qorǵaýda tájirıbesiz emes ekenin alǵa tartady.
Mamandardyń boljaýynsha, Tıllersonnyń memlekettik hatshy bolýy AQSh-Reseı qatynasyn jaqyndastyrmaq.
