Elbasy «Qazaqstan Respýblıkasy Táýelsizdiginiń jıyrma bes jyldyǵyna baılanysty raqymshylyq jasaý týraly» zańǵa jarııa túrde qol qoıdy, dep habarlady akorda.lz.
Nursultan Nazarbaev raqymshylyq jasaý memlekettiń izgi nıetiniń kórinisi bolyp sanalatynyn aıtty.
"Otandastarymyzǵa qatysty jasalǵan osynaý keshirim men meıirim jáne úmit aktisi qoǵamdy saýyqtyrýǵa múmkindik beredi. Raqymshylyq jasaý sharasy áleýmettik turǵydan osal adamdardy, atap aıtqanda, kámeletke tolmaǵandardy, júkti jáne balalary bar áıelderdi, múgedekter men qarttardy qamtıdy", – dedi Qazaqstan Prezıdenti.
Memleket basshysy elimizde Táýelsizdik jyldarynda 8 ret raqymshylyq jasalǵanyn aıtty.
"Raqymshylyq 28 myńǵa jýyq azamatqa jasalady dep josparlanyp otyr. Bul – el Táýelsizdiginiń mereıtoıy qarsańyndaǵy mańyzdy adamgershilik aksııasy", – dedi Elbasy.
Nursultan Nazarbaev túzeý mekemelerinen 1500 adam bosatylyp, sonyń 80%-y probasııa qyzmetiniń baqylaýynda bolatynyn atap ótti.
"Bulardyń bári – óz azamattarymyz. Olardyń túzý jolǵa túsip, qoǵamnan ornyn tabýyna múmkindik berý kerek. Bárimiz olarǵa kómek kórsetýimiz qajet. Keshirim jasalǵandar endi zańsyzdyqqa jol bermeıdi dep úmittenemin", – dedi Qazaqstan Prezıdenti.
Sondaı-aq, Memleket basshysy Táýelsizdik jyldarynda respýblıkamyzda zańnamany izgilendirý jolynda aýqymdy jumys atqarylǵanyn aıtty.
