13 jeltoqsan kúni Qyzylordada jalpy sany 820 páterdi quraıtyn kópqabatty 16 turǵyn úı el ıgiligine berildi. Qyzylorda oblysynyń ákimi Qyrymbek Kósherbaev jáne QR Ulttyq ekonomıka vıse-mınıstri Aıdar Áriphanov jańa qonys ıelerin Qazaqstan Respýblıkasy Táýelsizdiginiń 25 jyldyǵymen jáne baspanaly bolýlarymen quttyqtady.
- Halyqty turǵyn úımen qamtamasyz etý máselesi memleket úshin qashan da kúrdeli baǵyttardyń biri boldy. Bul oraıda Syr elinde úlgi eterlik irgeli ister barshylyq. Sońǵy jyldardaǵy tolaıym tabystarymyzdyń biri – oblys ortalyǵynda turǵyn úı qurylysy qarqyn aldy. Mysaly, oblys boıynsha 2004 jyly 92 myń sharshy metr turǵyn úı paıdalanýǵa berilse, bul kórsetkish qazirgi tańda 5,5 esege ósip, 500 myń sharshy metrge jetti. О́tken jyly oblysta qurylys kólemi 3,5 esege ósti, al Qyzylorda qalasynda 8 esege artty. Bıyldyń ózinde 80 kópqabatty turǵyn úıdiń qurylysy júrgizilýde. Sońǵy 3 jylda tek Qyzylordada jańadan 11 shaǵyn aýdan boı kóterip, 7 myńǵa jýyq otbasy jańa páterge ıe boldy. Bıylǵy jyly da biz turǵyn úı qurylysy qarqynyn arttyrý maqsatynda «Samuryq-Qazyna» jyljymaıtyn múlik qory, «Qazaqstan ıpotekalyq kompanııasy», «Báıterek» ulttyq basqarýshy holdıngi» aksıonerlik qoǵamy jáne «TurǵynÚıQurylysJınaqBankimen» qoıan-qoltyq jumys jasaýdamyz. Soǵan saı kelesi jyly da bıyldan kem emes kólemde qurylys qarqyny saqtalady. Byltyr Elbasynyń qatysýymen osy móltek aýdanda 10 turǵyn úı paıdalanýǵa berilgen bolatyn. Mine, búgin sol turǵyndardyń qatary jańa kórshilermen tolyǵyp, 16 kópqabatty turǵyn úıdi halyq ıgiligine tapsyrǵaly turmyz. Jańa baspana ár otbasyna sáttilik ákelip, shańyraqtaryńyzda tek sábıdiń kúlkisi estilsin,- dep oblys ákimi Qyrymbek Kósherbaev óz lebizin bildirdi.
«Nur Orda» móltek aýdanyndaǵy bul úıler «Nurly jol» memlekettik baǵdarlamasy boıynsha salyndy. Móltek aýdanda kópqabatty 20 úıdiń qurylysy júrýde, onyń 12-si (600 páter) «BáıterekDevelopment» AQ, al 8-i (420 páter) «QazaqstannyńTurǵynÚıQurylysJınaqBanki» AQ men birlesip júzege asyrylýda.
Aıta ketý kerek, jergilikti bılik turǵyndardyń jeke turǵyn úı qurylysyn júrgizýleri úshin de kómek qolyn sozýda. Bıyl jaz aıynda 6600 qyzylordalyq jeke úı salý úshin qajetti barlyq ınjenerlik-ınfraqurylymy tartylǵan (sý, jaryq, gaz jáne avtojol) 980 gektar aýmaqty qamtıtyn jer telimderin aldy. Al ótken senbide, 10 jeltoqsan kúni Qarmaqshy aýdanynyń ortalyǵy Josaly kentinde ótinish bergen 1380 turǵyn ınjenerlik-ınfraqurylymy júrgizilgen jer telimderine ıe boldy.
