Aqtaýda turǵyn úı paıdalanýǵa berildi

Táýelsizdik jyldarynda Mańǵystaý oblysynyń turǵyndary sany eki ese ósip, 340 myńnan 638 myńǵa jetti. 25 jyl ishinde oblysta 6,3 mln. sharshy metr baspana berilgen. Táýelsizdiktiń alǵashqy jyldarynda jylyna 116 sharshy metr baspana berilse, bıylǵy jyly bul kórsetkish 5 ese artyp, 645 myń sharshy metrge jetken.   Aqtaý qalasynyń 32 «a» shaǵynaýdanynan «Aımaqty damytýdyń 2020 jylǵa deıingi» baǵdarlamasy aıasynda jergilikti bıýdjet qarajatyna salynǵan eki kóppáterli turǵyn úı paıdalanýǵa berildi. Táýelsizdiktiń 25 jyldyǵy merekesi qarsańynda baspanaly bolǵandar qatarynda jetim balalar men ata-anasynyń qamqorlyǵynsyz qalǵan balalar bar. Qazirgi tańda Aqtaý qalasynda turǵyn úıdiń kezeginde 5 myń adam tur. Olardyń 2 myńnan astamy áleýmettik jaǵynan az qamtylǵan otbasylarǵa jatady. Al 500-den astamy - jetim jáne ata-anasynyń qamqorlyǵynsyz qalǵan balalar. Gúlaıym ShYNTEMIRQYZY, «Egemen Qazaqstan»