Ystanbul ýnıversıtetinde «Ál-Farabı» zertteý ortalyǵy ashyldy

Túrkııanyń Ystanbul ýnıversıtetinde El Táýelsizdiginiń 25 jyldyǵy qarsańynda «Ál-Farabı» Eýrazııalyq zertteý ortalyǵy ashyldy, dep habarlaıdy QazAqparat. «Jańadan ashylǵan ortalyq ortaq ǵylymı-zerteý jobalaryn júzege asyratyn halyqaralyq alań bolmaq. Bul ortalyq – Túrkııa ǵalymdarynyń uly fılosofqa degen joǵary qurmetiniń belgisi jáne qazaq halqyna dostyq yqylasy», – deıdi QazUÝ baspasóz qyzmetiniń ókili Áıgerim Kamaldınova. Eýrazııalyq «Ál-Farabı» ortalyǵy kásibı kadr daıyndaýǵa, QazUÝ ǵalymdarynyń eńbekterin Ystanbul ýnıversıtetiniń halyqaralyq baspalarynda jarııalaýǵa jáne bilim berý, ǵylymı-zertteý qyzmetin damytýǵa baǵyttalǵan. QazUÝ professorlary ortalyqta qazaq tili, Qazaqstan tarıhy men mádenıetinen sabaq beretin bolady. Aıta keteıik, ortalyqtyń ashylý saltanatynda Ystanbul ýnıversıtetiniń basshysy, professor Mahmýt Ak QazUÝ rektory Ǵalym Mutanovqa Túrkııanyń bedeldi ýnıversıtetiniń «Qurmetti professory» ataǵyn berdi. Resmı kezdesý barysynda taraptar ál-Farabı atyndaǵy QazUÝ-da «Túrik Álemi Medıa» Ortalyǵyn ashý týraly ózara kelisimge keldi.