14 jeltoqsanǵa arnalǵan aýa raıy

Búgin Qazaqstan aımaqtarynyń basym bóliginde  atmosferalyq frontaldyq bólikterdiń ótýine baılanysty burynǵysha qubylmaly aýa raıy saqtalady, jaýyn-shashyn bolady. Keı jerlerde tuman, kóktaıǵaq, burqasyn bolyp, jel kúsheıedi. Bul týraly TJK baspasóz qyzmeti habarlaıdy. Aqmola oblysynyń keı jerlerinde jeldiń jyldamdyǵy 15-20 m/s-ǵa jetip, ekpini 23-28 m/s-ǵa deıin kúsheıedi, keı jerlerde tuman, kóktaıǵaq, burqasyn kútiledi. Pavlodar oblysynda jeldiń jyldamdyǵy 15-20 m/s-ǵa jetip, ekpini 25 m/s-ǵa deıin kúsheıedi, keı jerlerde burqasyn, kóktaıǵaq bolady. Shyǵys Qazaqstan oblysynyń keı jerlerinde burqasyn soǵyp, kóktaıǵaq bolady, jeldiń jyldamdyǵy 15-20 m/s-ǵa jetip, ekpini 25 m/s-ǵa deıin  kúsheıedi. Soltústik Qazaqstan oblysynyń keı jerlerinde tuman, kóktaıǵaq, burqasyn bolady, jeldiń jyldamdyǵy 15-20 m/s-ǵa jetip kúsheıedi. Qyzylorda oblysynyń keı jerlerinde tuman, kóktaıǵaq kútiledi, kúndiz jeldiń jyldamdyǵy 15-20 m/s-ǵa deıin kúsheıedi. Qostanaı oblysynyń keı jerlerinde burqasyn, kóktaıǵaq, tuman bolyp,  jel 17-22 m/s-ǵa deıin  kúsheıedi. Jambyl oblysynyń keı jerlerinde tuman bolyp, jeldiń jyldamdyǵy 15-20 m/s-ǵa jetip, kúndiz ekpini 23 m/s-ǵa deıin kúsheıedi. Atyraý oblysynyń keı jerlerinde burqasyn bolady. Kúndiz Qaraǵandy oblysynyń keı jerlerinde jaıaý burqasyn, tuman, kóktaıǵaq kútiledi, jel 15-20 m/s-ǵa deıin kúsheıedi. Mańǵystaý oblysynyń keı jerlerinde tuman kútiledi,  jel  15-18 m/s-ǵa deıin kúsheıedi. Aqtóbe oblysynyń keı jerlerinde kóktaıǵaq bolady. Almaty oblysynyń Jalańashkól aýdanynda jeldiń jyldamdyǵy 18-23 m/s-ǵa deıin kúsheıedi, túnde keı jerlerde tuman bolady.