Grekııadan ejelgi qalanyń izi tabyldy

Grekııanyń ortalyq bóliginen arheologtar shamamen 2,5 myń jyl burynǵy ejelgi qalany taýyp aldy, dep habarlaıdy QazAqparat. Bul Afınanyń soltústiginde Kardısa mańynda ornalasqan. Qalany tapqan arheologtar Geterborg ýnıversıtetinde (Shvesııa) jumys isteıdi. «Endi biz ejelgi zamandarda aýyldar men eldi mekender emes, naǵyz qalalardyń bolǵanyn dáleldeı alamyz», – deıdi antıkalyq mádenıetti zertteýmen aınalysatyn ǵalym Robın Rıonlýnd. Tabylǵan qabyrǵalar men irgetas qaldyqtary jer ústinde jatyr. Jáne arnaıy radar arqyly jer astyndaǵy ejelgi nysandardy da anyqtaldy. «Biz áli qazba jumystarymen aınalysqan joqpyz, degenmen jer astyndaǵy nysan týraly barlyq málimet bar. Máselen, qala joldarynyń tutas jelisi bar ekenin bilemiz», – dedi Robın Rıonlýnd. Shved ǵalymdary kelesi jyly grekııalyq áriptesterimen birlesip, ejelgi qala tabylǵan aýmaqty tolyq zertteýdi josparlap otyr.