EQYU bas hatshysy Qazaqstandy álemdik qaýymdastyqqa úlgi etti

Eýropadaǵy qaýipsizdik pen yntymaqtastyq uıymynyń Bas hatshysy Lamberto Zaner Qazaqstannyń basqarý tájirıbesi túıindi máselelerdi sheshý jolynda serpilis beretinin aıtty, dep habarlaıdy Habar24. Uıym basshysynyń aıtýynsha, qazir álemdik qaýymdastyq terrorızm toryna shyrmalyp, sodyrlar leginiń aǵylý qaýpi tóndi, mıgranttar sany artyp, radıkaldaný beleń aldy. Lamberto Zaner mundaı problemalardy sheshý úshin Qazaqstan sekildi senimdi seriktestiń bolýy mańyzdy dep sanaıdy. "Men Eýropadaǵy qaýipsizdik jáne yntymaqtastyq uıymynda Qazaqstan qaldyrǵan muranyń mańyzy týraly aıtýdan jalyqpaımyn. Qazaqstannyń 25 jylda táýelsiz el retinde qol jetkizgen jetistikterine kýá bola otyryp, BUU-mymen birge bizdiń uıymnan da oıyp turyp alǵan ornymen quttyqtaımyz. Uıym jetekshisi retindegi ókilettiligim bitpeı turǵanda, 2017 jyly bolatyn EKSPO kórmesine qatysýdy kózdep otyrmyn. Al Qazaqstannyń BUU-mynyń Qaýipsizdik Keńesine múshe bolyp saılanýy - eldi álemdik qaýymdastyqtyń aımaqta jáne jahandyq deńgeıde tanyǵanynyń aıqyn dáleli bola alady. Qazaq eli basshysynyń ıdeıalary óte ózekti. Qazaqstannyń ıadrolyq qarýdan bas tartýy jáne ony taratpaý jolynda qosyp otyrǵan úlesi álemdik qaýymdastyq músheleri úshin úlgi bolarlyq bastama dep aıta alamyn", - deıdi Lamberto Zaner.