Tamaq qaýipsizdigindegi ákimdik jaýapkershiligi kúsheıtiledi

Respýblıka aýmaǵynda veterınarlyq jáne fıtosanıtarlyq ortany qamtamasyz etý úshin Mınıstrlikte asa qaýipti zııandy organızmdermen jáne janýarlar aýrýlarymen kúres, sondaı-aq osy aýrýlarǵa shaldyǵýdan jáne karantındik obektilerden, janýarlardyń asa qaýipti aýrýlarynan aldyn alý jumystary júrgizilip jatyr, dep habarlaıdy Aýyl sharýashylyǵy mınıstrligi. Búgingi kúni veterınarııa salasyndaǵy negizgi fýnksııalardy jergilikti atqarýshy organdardyń veterınarııa qyzmeti iske asyrýda. Mınıstrlik tek qana zańnamalyq, baqylaý jáne úılestirý fýnksııalaryn oryndaıdy. 2016 jyly asa qaýipti zııandy aǵzalarǵa qarsy 1 790,3 myń ga. alqapta hımııalyq óńdeý, astyq daqyldarynyń aýrýlaryna qarsy 2 410,3 myń ga. alqapta óńdeý jumystary júrgizildi. «Shegirtke zııankesterine qarsy 1 655,0 myń ga. óńdeý jumystary, karantındik obektilerine qarsy 29,85 myń ga. jerge respýblıkalyq bıýdjet esebinen óńdeý jumystary júrgizildi», – dedi Almabek Mars. Eýrazııalyq ekonomıkalyq keńestiń syrtqy shekaralaryna shyǵarylatyn jáne respýblıka aýmaǵyna ákelinetin ımporttyq ónimderdiń fıtosanıtarlyq jáne veterınarlyq talaptarǵa sáıkestigine turaqty baqylaý júrgizilip otyr. Jańa Memlekettik baǵdarlama sheńberinde fıtosanıtarlyq qaýipsizdikti qamtamasyz etýdiń negizgi sharalary: fıtosanıtarııa salasynda memlekettik kórsetiletin qyzmetterdiń normatıvtik negizderin; zııankestermen kúres ádisterin; fıtosanıtarlyq qorǵaý suraqtarynda aýyl sharýashylyǵy qurylymdaryn qorǵaý sharalary, sondaı-aq jer jaǵdaıy úshin olardyń jaýapkershiligin arttyrýdy; fıtosanıtarııa jáne basqa da salalardy baqylaý suraqtary boıynsha shet memlekettermen qarym-qatynasty bekitýdi; zerthanalardyń materıaldyq-tehnıkalyq qamtamasyz etilýin, fıtosanıtarlyq baqylaý posttaryn halyqaralyq talaptar deńgeıine deıin jetkizýdi jetildirýge baǵyttalady. Veterınarııa salasynda zańnamalyq retteý bóliminde janýarlardy ıdentıfıkasııa jasaý quraldaryn satyp alý fýnksııalaryn ákimshilikterdiń quzyretine berý; jergilikti atqarýshy organdardyń veterınarlyq uıymdaryna sáıkes talaptardy bekitý; ákimshilikterdiń veterınarlyq bólimsheleri qyzmetteriniń tıimdiligin baǵalaý júıelerin engizý; ákimshilikterdiń veterınarlyq bólimsheleri aldynda aýyl sharýashylyǵy taýarlaryn óndirýshilerdiń eseptiligin engizý josparlanýda. «Janýarlardyń densaýlyǵyn qorǵaý týraly dúnıejúzilik uıym (HEB) men EEO qujattaryn esepke ala otyryp respýblıkanyń veterınarlyq zańnamasyn ary qaraı damytý júrgiziletin bolady», – dedi Oljas Aýsabaev.