Iranmen sottalǵan azamattardy almasý týraly kelisim jasaldy

Búgin Parlament Májilisiniń jalpy otyrysynda palata depýtattary «Qazaqstan Respýblıkasy men Iran Islam Respýblıkasy arasyndaǵy sottalǵan adamdardy berý týraly kelisimdi ratıfıkasııalaý týraly» QR Zań jobasyn maquldady, dep habarlaıdy QazAqparat. «Qatynastar damyǵannan beri kásipkerlik jáne týrızm baǵytynda el azamattarynyń atalǵan memleketke saparlary jıilep keledi. Tek bıyl Iranǵa bizdiń 320 azamatymyz barsa, al Qazaqstanǵa 2346 ırandyq keldi. О́zderińiz bilesizder, osy elde jazalaýdyń uzaq merzimin eskeretin sharıǵat zańdary qamtylǵan. О́lim jazasy sany boıynsha Iran tek Qytaıǵa ǵana jol berip otyr. Qazirgi kezde Iranda sottalǵan bizdiń adamdar joq. Alaıda, aldaǵy ýaqytta da bizdiń azamattar bolmaıtyna kepildik joq. Sondyqtan da bizdiń memleket otandastarymyzdy shetelde qorǵaý úshin quqyqtyq tetikterge ıe bolýy tıis», –  dedi zań jobasy boıynsha baıandama jasaǵan QR Bas prokýrorynyń birinshi orynbasary Iogan Merkel. Qujatqa sáıkes, eki eldiń arasynda sottalǵandardy berý úderisteri kelisildi. Máselen, eger de Iranda qazaqstandyq buzaqylyq úshin jeti jylǵa jazaǵa tartylsa, úkim zańdy kúshine engennen keıin osy azamat nemese onyń zańdy ókili elimizdiń konsýldyq mekemeleri arqyly jazany odan ári óteýi úshin Qazaqstanǵa aýystyrý týraly prokýratýǵa ótinish jasaýy tıis. Onyń sózine qaraǵanda, sottalǵandardy ózara berý sharalary eki jaǵdaıda bas tartylýy múmkin, olar: egemendikke, qoǵamdyq tártipke nuqsan keltirgende, eki taraptyń zańnamasyna jáne múddelerine qaıshy kelgende. Aıta keteıik, kelisimge osy jyldyń sáýirinde Memleket basshysynyń Iranǵa sapary aıasynda qol qoıyldy.