Elordada birqatar dámhanalarǵa aıyppul salyndy

Astana qalasynyń «Almaty», «Saryarqa» jáne «Esil» aýdandyq bólimsheleriniń ınspektorlary aýdan ákimdikteriniń ókilderimen birlesip shaǵyn jáne orta bıznes nysandarynyń birinshi qabattaryna jaqyn jatqan aýmaqtardy, qurylys alańdaryn, PIK, PK jáne jeke sektordy qar men muzdy ýaqytynda jınalýyn tekserý boıynsha kúndelikti reıd sharalaryn óktizedi. Bul týraly Astana ákimdiginiń baspasóz qyzmeti habarlady. Nátıjesinde, «Saryarqa» aýdany IIB JPQ tabıǵat qorǵaý polısııasynyń qyzmetkerleri Jeńis dańǵylynda ornalasqan dámhananyń ıesin ǵımarat mańyndaǵy aýmaqty qatqan muzdan der kezinde tazalamaǵany úshin QR ÁQBK 505 b. 1 b. boıynsha ákimshilik jaýapkershilikke tartyldy. Kásipkerge 30 AEK mólsherinde (63 630 teńge) aıyppul salyndy. Sondaı-aq, «Almaty» IIB JPQ polısııa qyzmetkerleri Momyshuly dańǵylyndaǵy «Turan» meıramhanasyna tıesili aýmaqtan úıilgen qardy ýaqytynda tazalap, shyǵarmaǵany úshin jeke kásipker jaýapkershilikke tartyldy. Oǵan 63 630 teńge mólsherinde aıyppul salyndy. Tabıǵat qorǵaý polısııasynyń qyzmetkerleri tıesili aýmaqty qoqystan, qar men muzdan tazalaý boıynsha jumysty ýaqytyly júrgizbeý jáne sapasyz oryndaý, jumystardy uıymdastyrmaý faktileri anyqtalsa, zań buzýshylar QR ÁQBK 505 baby «Abattandyrý erejelerin buzý» boıynsha ákimshilik jaýapkershilikke tartylatynyn eskertedi.