«Táýelsizdiktiń 25 asa mańyzdy oqıǵalary» kitabynyń tusaýkeseri ótti

Ortalyq kommýnıkasııalar qyzmetinde el Táýelsizdiginiń 25 jyldyǵy qarsańynda jaryqqa shyqqan «Táýelsizdiktiń 25 asa mańyzdy oqıǵalary» kitabynyń tusaýkeseri ótti. Qyzylorda oblysy ákiminiń orynbasary Rýslan Rústemov pen kitaptyń avtory, tarıh ǵylymdarynyń doktory, professor Bereket Káribaev Táýelsiz Qazaqstannyń asa mańyzdy oqıǵalary jóninde úsh tilde syr shertetin týyndyny kópshilikke tanystyrdy. «Táýelsizdiktiń 25 asa mańyzdy oqıǵalary» kitaby ǵylymı eńbek emes, kópshilikke arnalǵan tanymdyq kitap. Sondyqtan barshańyzdyń oqyp, ótkenimizge kóz jiberip, barymyzdy baǵalaýǵa atsalysyp, oqyrman bolýǵa shaqyramyn», – dedi aımaq basashysynyń orynbasary. Ulttyq ǵylym akademııasynyń korrespondent múshesi, Ál-Farabı atyndaǵy Qazaq ulttyq ýnıversıteti «Qazaqstan tarıhy» kafedrasynyń meńgerýshisi, tarıh ǵylymdarynyń doktory, professor, qyzylordalyq Káribaev Bereket Baqytjanulynyń uzaq jylǵy izdenisteriniń nátıjesi týyndynyń qundylyǵyn arttyra tústi. «Bul kitap Qazaqstan Táýelsizdiginiń 25 jyldyǵyna arnalǵan jáne Qyzylorda oblysy ákimdiginiń qoldaýymen jaryqqa shyqty. Árıne, osy 25 jyl ishinde elimizde mańyzdy da aıtýly oqıǵalar az bolmaǵany belgili. Degenmen, bul kitapta bizdiń kózqarasymyzben asa mańyzdy degen 25 oqıǵa úsh tilde jazylyp shyqty. Munda kóterilgen árbir jetistikterdiń barlyǵy el birligin berik ustanǵan egemendiktiń jıyrma bes jylynda jasalǵan jasampaz ister. Osyndaı árbir jetistigik Tuńǵysh Prezıdenttiń sara da salıqaly saıasatymen júzege asyrylyp otyrǵany barshaǵa aıan», – dedi kitaptyń avtory. Aıdar О́RISBAEV, «Egemen Qazaqstan»