Astanada qatty kóktaıǵaq bolady

Astanada kóktaıǵaq pen jel kúsheıedi dep kútilýde, - dep habarlaıdy qalalyq TJD baspasóz qyzmeti. Astana qalasynyń TJD málimeti boıynsha, Aqmola oblysynyń kóp bóliginde de 14-15 jeltoqsan kúnderi ońtústik-batystan jyldamdyǵy sekýndyna 15-20 metrge deıin jetetin jel saqtalady, jel kúshi sekýndyna 23-28 metrge deıin jetýi múmkin jáne keı jerlerde burqasyn, kóktaıǵaq bolady. "Qurmetti ata-analar! Erteń Astanada kóktaıǵaq qatty bolatyn shyǵar. Barlyq uıymdardyń basshylaryna óz aýmaǵynda qar men muzdy tazalaýǵa jáne tuzdy-qum qospasyn shashýǵa erekshe kóńil bólý tapsyryldy. Osy kúnderi balalar yńǵaıly aıaq kıim kıip, saq júrýin jáne ata-analarymen birge júrýin qadaǵalaýǵa tyrysyńyzdar. Kóktaıǵaq sebebinen mekteptegi sabaqtar toqtatylmaıdy", - dep jazypty Astananyń Bilim basqarmasynyń baspasóz hatshysy Botagóz Omar óziniń Facebook-tegi paraqshasyna. Aıta keteıik, Astanada búgin aýa temperatýrasy birden kóterilip, jańbyr jaýdy.