Grekııa EKSPO-2017 kórmesine komıssaryn taǵaıyndady

Grekııa EKSPO-2017 halyqaralyq mamandandyrylǵan kórmesindegi pavılonyna óziniń komıssaryn resmı túrde taǵaıyndady. Bul laýazymǵa Grekııanyń ekonomıka jáne damý mınıstrliginiń bas hatshysy Ilıas Ksantakos laıyqty dep tabyldy. Bul týraly «EKSPO-2017» komıssarynyń hatshylyǵy habarlady. Grekııa úkimetiniń taǵaıyndaý týraly sheshimi bar resmı hat Afınadaǵy QR elshiligi arqyly «EKSPO-2017» komıssarıatynyń komıssaryna jiberilgen. Kórmede Grekııa ókilderi halyqaralyq ekologııalyq standarttarǵa negizdelgen energetıkalyq ınfraqurlymnyń naqty úlgilerin usynbaq. Jerorta teńizinde ornalasqan memleket jańǵyrtylatyn energııa kózderine qatysty máselede aıtarlyqtaı tájirıbe jınaqtaǵan. Onyń ústine «EKSPO-2017» kórmesi ótetin ýaqyt Grekııadaǵy jappaı demalysqa shyǵatyn ýaqytpen sáıkes kelip otyr. Aıta keteıik, Halyqaralyq mamandandyrylǵan «EKSPO-2017» halyqaralyq kórmesi 2017 jyldyń 10 maýsymy men 10 qyrkúıegi aralyǵynda ótedi. Búginde oǵan 112 el men 18 halyqaralyq uıym ókilderi qatysatynyn rastaǵan.