20 jeltoqsanǵa arnalǵan aýa raıy

20 jeltoqsan kúni Qazaqstan aımaqtarynyń basym bóliginde  atmosferalyq frontaldy bólikterdiń ótýine baılanysty turaqsyz aýa raıy saqtalady, qar jaýady, keı jerlerde tuman, kóktaıǵaq, burqasyn bolyp, jel kúsheıedi. Tek ońtústik jáne ońtústik shyǵys aýmaqtarda seısenbi jaýyn-shashynsyz ótedi, dep habarlaıdy«Qazgıdromet» RMK. Aqmola oblysynda 15-20 m/s-pen soqqan jeldiń ekpini 23-28 m/s-qa kúsheıedi, keı jerlerinde burqasyn bolady. Qaraǵandy, Pavlodar oblystarynyń keı aýmaqtarynda burqasyn soǵyp, 15-20 m/s-pen uıytqyǵan jel 25 m/s-qa kúsheıedi. Soltústik Qazaqstan, Shyǵys Qazaqstan oblystarynyń jekelegen jerlerinde burqasyn, 15-20 m/s jyldamdyqta jel kútiledi. Almaty oblysynyń keı jerlerin túnde jáne tańerteń tuman basady. Jambyl oblysynyń keı jerlerinde tuman, jeldiń ekpini 15-20 m/s-qa artady. Ońtústik Qazaqstan, Atyraý oblystarynda tuman, kóktaıǵaq kútiledi, 15-20 m/s jyldamdyqta jel turady. Qostanaı oblysynyń keı jerlerinde - tuman, 15-20 m/s-pen soqqan jel 23 m/s-qa kúsheıedi. Aqtóbe oblysynda jaıaý burqasyn, kóktaıǵaq kútiledi, jeldiń ekpini - 15-20 m/s. Batys Qazaqstan oblysynyń túnde keı jerlerinde burqasyn soǵyp, 15-20 m/s jyldamdyqta jel bolady. Qyzylorda oblysynyń kúndiz keı jerlerinde kóktaıǵaq, tuman bolady. Mańǵystaý oblysynda tuman, kóktaıǵaq kútiledi.