Qazaqstanda ekonomıka ósiminiń jyldamdaýy baıqalady

Qazaqstanda ekonomıka ósiminiń jyldamdaýy baıqalady. Bul týrady QR Premer-Mınıstri Baqytjan Saǵyntaevtyń tóraǵalyǵymen ótken Úkimet otyrysy barysynda belgili boldy. Úkimet otyrysy barysynda Qazaqstannyń 2016 jylǵy 11 aı ishindegi áleýmettik-ekonomıkalyq damýynyń qorytyndylary talqylandy. Bıyl barlyq damýshy elder, onyń ishinde Qazaqstan da álemdik ekonomıkadaǵy birqatar eleýli qaterlermen jáne kóptegen syrtqy qaterlermen betpe-bet keldi. Buǵan qaramastan, ekonomıkada ártaraptandyrý, ınfraqurylymdy, kásipkerlik pen AО́K damytý boıynsha baǵdarlamalar men josparlardy, sonymen qatar jumyspen qamtý sharalaryn júzege asyrý esebinen oń betalys qamtamasyz etildi. Elde iskerlik jáne ınvestısııalyq belsendilik saqtaldy, qarjylyq naryqtaǵy jaǵdaı turaqty. QR Ulttyq ekonomıka mınıstri Qýandyq Bıshimbaev bıyl qańtar-qarasha aılarynda ekonomıka ósiminiń 0,8% deıin jyldamdaýy baıqalǵanyn atap ótti, bul qańtar-qazan aılaryndaǵymen salystyrǵanda 0,2 paıyzdyq pýnktke joǵary. Taýarlar óndirisiniń ósimi - 0,9%, qyzmetter ósimi – 0,6%, ónimderge salyq – 2,4% qurady. Ekonomıka ósiminiń basty qozǵaýshy kúshine qurylys, aýyl sharýashylyǵy, kólik jáne óńdeý ónerkásibi aınaldy. О́nerkásipte oń betalystar baıqalady, onyń ósiminiń negizgi kózderi óńdeýshi ónerkásiptegi ósimniń ozyq qarqyny boldy, olar taý-ken ónerkásibindegimen salystyrǵanda joǵary. Arnur Asqar, "Egemen Qazaqstan".