Aýyl sharýashylyǵyna ınvestısııa kólemi ósti

Qazaqstanda bıyl aýyl sharýashylyǵyna ınvestısııa artty. Bul týraly búgin Úkimet otyrysynda Aýyl sharýashylyǵy birinshi vıse-mınıstri Qaırat Aıtýǵanov AО́K-tiń áleýmettik-ekonomıkalyq damý qorytyndylaryn baıandaý barysynda málimdedi. «Aýyl sharýashylyǵy ústimizdegi jyldyń 11 aıynyń qorytyndysy boıynsha ósý kórsetkishterimen sıpattalyp otyr. Aýyl sharýashylyǵynyń jalpy ónim kólemi ótken jyldyń osy kezeńimen salystyrǵanda 3,4 trln. teńgeni qurap, naqty ındeks kólemi boıynsha 4,5% ósip otyr», dedi Q.Aıtýǵanov. Birinshi vıse-mınıstrdiń aıtýynsha, aýyl sharýashylyǵynyń ınvestısııa kólemi 48%-ǵa artyp, 11 aıdyń qorytyndysy boıynsha 228 mlrd. teńgeni qurady. Byltyr bul kórsetkish 148 mlrd. teńge bolǵan. Astyqtyń jalpy jıyny 23,7 mln. tonnany qurady, bul byltyrǵy jylǵy kórsetkishpen salystyrǵanda 3 mln. 900 myń tonnaǵa artyq. Ortasha túsimdilik gektaryna 15,4 sentnerge jetip otyr. Sondaı-aq, bıyl 3,6 mln. tonna kókónis pen 2,2 mln. tonna baqsha daqyldary jınaldy. Bul byltyrǵy jyldan 511 myń tonnaǵa artyq. Dınara Bitikova, "Egemen Qazaqstan".