«Nurly jolǵa» bólingen qarjy 100 paıyzǵa derlik ıgeriledi

«Nurly jolǵa» bólingen qarjy 100 paıyzǵa derlik ıgerilmek. Bul týraly búgin Úkimettiń selektorlyq rejimdegi otyrysynda QR Qarjy mınıstri Baqyt Sultanov málim etti. «Nurly jol» baǵdarlamasy boıynsha aǵymdaǵy jyldyń 11 aıy ishinde 435 mlrd teńge, ıaǵnı jyldyq kólemniń 92 paıyzy ıgerildi. Jyl boıynsha respýblıkalyq deńgeıde atqarylý tolyq kólemde derlik 99,9 paıyz deńgeıinde kútiledi. Tek 0,5 mlrd. teńge ıgerilmeı qalaıyn dep tur. Atap aıtar bolsaq, halyqaralyq qarjylyq eseptilik jobalary boıynsha Ulttyq ekonomıka mınıstrligi 235,6 mln teńge, bilim jáne ǵylym mınıstrligi  130,9 mln teńge jáne densaýlyq saqtaý jáne áleýmettik qorǵaý mınıstrligi  109,3 mln teńge», - dedi mınıstr. Onyń derekterine sáıkes, jergilikti organdar 215,5 mlrd teńge, nemese alynǵan qarajattyń 94,5 paıyzyn ıgerdi. Al 12 mlrd teńge ıgerilgen joq. «Igerilmeýdiń eń kóp kólemi Mańǵystaý oblysynda - 1,4 mlrd teńge, Aqtóbe oblysynda - 1,3 mlrd teńge, Almaty jáne Aqmola oblysynda - 1,2 mlrd teńgeden, Atyraýda  1,1 mlrd teńge mólsherinde baıqalady. Igerilmeýdiń negizgi sebebi jumystardyń óndiris kestesinen qalý bolyp otyr», - dedi Sultanov.