Bıyl 70,8 mln tonna munaı men kondensat óndirildi

2016 jyly otandyq aýyl sharýashylyǵy óndirýshilerine janar-jaǵarmaı jetkizý mindettemesi tolyq oryndaldy. Bul týraly QR Úkimet otyrysy barysynda aǵymdaǵy jyldyń 11 aıynda Qazaqstannyń munaıgaz salasyndaǵy damý nátıjelerin, sondaı-aq ishki janar-jaǵarmaı naryǵyndaǵy ahýaldy qarastyrý barysynda aıtyldy. QR Energetıka mınıstri Qanat Bozymbaev atalǵan kezeńdegi munaı men kondensat óndirý kólemi 70,8 mln. tonnany quraǵany týraly málimdedi. Aǵymdaǵy jyly munaıgaz salasyndaǵy kásiporyndardy qoldaý jónindegi sharalar, sonymen qatar Qashaǵannyń iske qosylýy jyldyq munaı óndirý kólemin 74-ten 75,5 mln. tonnaǵa deıin arttyrýǵa múmkindik beredi. О́z kezeginde, munaı óńdeý kólemi 13,1 mln. tonnany qurady. Aýyl sharýashylyǵy óndirýshileriniń qajettiligi úshin arzandatylǵan JJM jetkizý tolyqtaı oryndaldy. Aǵymdaǵy jylǵy 13 jeltoqsandaǵy jaǵdaı boıynsha, munaı bazalaryndaǵy qor kólemi: Aı-92/93 janarmaıy – 103 myń tonadan asady, dızeldik otyn kólemi - 155 myń tonnadan asady. JJM qaldyq kólemi ishki suranysty qamtamasyz etýge jetkilikti qolaıly qordy quraıdy. Janar-jaǵarmaı tapshylyǵy baıqalmaıdy. Arnur Asqarov, "Egemen Qazaqstan".