Reseı men Túrkııany salqynqandylyqqa shaqyramyz - QR SIM

Qazaqstan Reseı men Túrkııany oqys oqıǵaǵa oraı salqynqandylyq tanytýǵa shaqyrady. Bul týraly búgin Úkimet otyrysynan keıin BAQ ókilderine suhbat bergen QR Syrtqy ister mınıstriniń orybasary Erjan Ashyqbaev málim etti, dep habarlaıdy QazAqparat. «О́zderińizge málim, budan buryn bolǵan jaǵdaıǵa qatysty eki memlekettiń arasyndaǵy shıelenisken ahýal Elbasymyz Nursultan Ábishuly Nazarbaevtyń tikeleı aralasýymen jaqsarǵan bolatyn. Keshe oryn alǵan oqys jaǵdaıdyń da eki jaqty qarym-qatynasqa tıgizetin teris áseri  bolýy múmkin. Biz eki tarapty da salqynqandylyqqa shaqyramyz. Eki taraptyń da bul jaǵdaıǵa baılanysty ustanymdaryn kelissózder arqyly sheshý qajet», - dedi Ashyqbaev. Aıta keteıik, ótken jyldyń 24 qarashasynda Túrkııanyń joıǵysh ushaǵy Sırııa shekarasy mańynda Reseıdiń bombalaýshy Sý-24 ushaǵyn atyp túsirgen bolatyn. RF Prezıdenti Vladımır Pýtın muny «arqaǵa jasaǵan soqqy» dep ataǵan edi. Osydan soń Reseı Túrkııaǵa birqatar ekonomıkalyq shekteýler engizgen. Al maýsym aıynyń sońynda Qazaqstan Prezıdentiniń araaǵaıyndyǵynyń nátıjesinde eki eldiń arasy jaqyndap, Pýtın Túrkııamen saýda-ekonomıkalyq qatynas qaıta qalpyna kele bastaǵanyn málimdegen-di. Al 19 jeltoqsan kúni Reseı elshisi Ankarada «Reseı Kalınıngradtan Kamchatkaǵa deıin» atty kórmeniń ashylýynda sóz sóıleý barysynda atyp óltirildi. Elbasy Nursultan Nazarbaev RF Prezıdenti Vladımır Pýtınge Túrkııadaǵy RF elshisiniń qazasyna baılanysty kóńil aıtty.