Bul týraly búgin Túrki akademııasynda ótken jıynda aıtyldy. Túrki akademııasy halyqaralyq uıymy (TWESCO) Astanada túrkitildes memleketter Táýelsizdiginiń 25 jyldyǵyna oraı uıymnyń sońǵy jyldarda atqarǵan jumystaryn qorytyndylap, jıyn ótkizgen bolatyn.
Akademııa kitaphanasynda ótken basqosýǵa kórnekti memleket jáne qoǵam qaıratkerleri, elshiler, dıplomattar men tanymal ǵalymdar qatysty.
Jıyndy ashqan TWESCO basshysy Darhan Qydyráli Qazaqstanmen qatar bıyl Ázerbaıjan, Qyrǵyzstan jáne ózge de túrki memleketteri egemendikteriniń 25 jyldyǵyn atap ótkenine toqtalyp, olardyń shırek ǵasyrdaǵy jetistikteri jaıly aıtty.
Sonymen qatar, Akademııa basshysy uıymnyń sońǵy jyldary atqarǵan is-sharalary jóninde keńinen baıandady. Mysaly, bıyl TWESCO jeke dara jáne basqa halyqaralyq uıymdarmen birlesip, jalpy sany 70-ke jýyq aýqymdy shara ótkizgen. Bul is-sharalardyń geografııasy da keń: AQSh, Ázerbaıjan, Qyrǵyzstan, Qytaı, Mońǵolııa, Reseı Federasııasy, Túrkııa jáne Úndistan. Ǵylymı jobalar aıasynda ázirlep basqan Ortaq Túrki tarıhy oqýlyǵy Túrki keńesine múshe memleketterdiń quzyrly mekemelerinde maquldanyp, jańa oqý jylynda mektep baǵdarlamasyna enetin boldy. Búginde arnaıy jumys toby Ortaq Túrki ádebıeti men Ortaq Túrki geografııasynyń konsepsııalaryn daıyndap, Túrki keńesine maquldaýǵa jiberdi.
Budan bólek, Túrki akademııasy bıylǵy jyly 56 kitap ázirlep basty. Al Túrki mýzeıi 246 jańa eksponatpen tolyqty. Mýzeı qory negizinen, bıyl jazda Mońǵolııaǵa jasaǵan «Táńirtaýdan О́túkenge deıin» atty halyqaralyq ekspedısııa jádigerlerimen tolyqqan.
Kezdesý aıasynda, sonymen qatar, memleket jáne qoǵam qaıratkeri Myrzataı Joldasbekov, Túrki Keńesi aqsaqaldar keńesiniń múshesi Ádil Ahmetov, QR UǴA akademıgi Bolat Kómekov arnaıy baıandama jasady. Olar derbes Túrki memleketterin Táýelsizdikteriniń 25 jyldyǵymen quttyqtap, Túrki elderiniń syndarly da mańyzdy kezeńnen ótip, senimdi damý jolyna túskeni jóninde paıymdy pikirlerin ortaǵa saldy.
Jıyn barysyndaǵy taǵy bir mańyzdy sharany aıta ketken jón. Túrki akademııasy Túrki ıntegrasııasynyń damýyna qyzmet etip júrgen eki dıplomatty arnaıy medaldarmen marapattady.
Atap aıtqanda, Qazaqstan Respýblıkasynyń Iran Islam Respýblıkasyndaǵy Tótenshe jáne О́kiletti Elshisi Baǵdat Ámireev Túrki áleminiń damýyna jáne yntymaqtastyǵyna qosqan ólsheýsiz úlesi úshin, al Mońǵolııanyń Qazaqstan Respýblıkasyndaǵy, Qyrǵyz Respýblıkasyndaǵy jáne Tájikstan Respýblıkasyndaǵy Tótenshe jáne О́kiletti Elshisi Sýhee Jagır Túrki álemi jáne Mońǵolııa arasyndaǵy yntymaqtastyqtyń nyǵaıýyna qosqan ólsheýsiz úlesi úshin Akademııanyń arnaıy medaldarymen marapattaldy. Sýhee Jagırdiń taza qazaqsha sóılep, elimiz táýelsizdigin quttyqtaýy basqosýǵa jınalǵan qonaqtardy súısindirdi.
Marapat ıeleri Akademııa basshysy Darhan Qydyráli men uıym ujymyna shynaıy alǵystaryn bildirdi.
Anyqtama
Baǵdat Qultaıuly Ámireev - 1959 jyly Qazaqtanda dúnıege kelgen Tótenshe jáne ókiletti elshi. Qazaqstannyń arnaıy ókili, QR premer-mınıstriniń keńesshisi. Túrli jyldary Qazaqstan Respýblıkasynyń Saýd Arabııasyndaǵy, Oman, Bahreın, Kýveıt, BAÁ elderindegi, Egıpet Arab Respýblıkasyndaǵy Tótenshe jáne ókiletti elshisi bolǵan. Sondaı-aq, Sırııa Arab Respýblıkasyndaǵy, Marokko Koroldigindegi, Lıvııadaǵy Tótenshe jáne ókiletti elshisi mindetin qosa atqardy. 2008-2010 jyldarda Qazaqstannyń Túrkııa Respýblıkasyndaǵy elshisi bolǵan Baǵdat Qultaıuly 2011 jyldan bastap Qazaqstan Respýblıkasynyń Iran Islam Respýblıkasyndaǵy Tótenshe jáne ókiletti elshisi qyzmetin atqaryp keledi. «Qurmet» ordeniniń ıegeri. Sýhee Jagır - 1959 jyly Mońǵolııada dúnıege kelgen. 1985 jyldan bastap Mońǵolııanyń Syrtqy ister mınıstrliginde túrli qyzmetter atqaryp keledi. Mońǵolııanyń Azııa jáne Amerıka departamentinde, BUU-daǵy Turaqty ókildiginde hatshy, attashe bolǵan. Mońǵolııanyń Qytaıdaǵy, Koreıa Respýblıkasyndaǵy elshilikterinde jaýapty laýazymda qyzmet etken. 2013 jylǵy shilde aıynan beri Mońǵolııanyń Qazaqstan Respýblıkasyndaǵy, Qyrǵyz Respýblıkasyndaǵy jáne Tájikstan Respýblıkasyndaǵy Tótenshe jáne О́kiletti Elshisi.
