45 memleketke – vızasyz rejim

Elordada Syrtqy ister mınıstri Erlan Ydyrysov Qazaqstandaǵy sheteldik dıplomatııa ókilderimen kezdesip, vıza máselesine qatysty brıfıng ótkizdi. Oǵan eldegi bıznes qaýymdastyqtyń, Ishki ister mınıstrliginiń ókilderi, jýrnalıster qatysty. О́z sózinde Erlan Ydyrysov vıza berýde jańa talap-ereje­ler­diń engizilýiniń mán-mańyzy aı­ryq­sha ekenine toqtaldy. «Bul, eń aldymen, Qazaqstannyń shetel­degi áriptesterimen aradaǵy baı­la­nysyn jandandyrýǵa sep bolary sózsiz. Biz bıznes-klımatty jaq­­sartý, sheteldermen barlyq deń­­geı­degi, máselen, iskerlik, týrıs­­tik qarym-qatynasty damy­tý­ǵa mán berip kelemiz. Sondyqtan, bul – óte salmaqty másele. Oǵan da­­ıyn­dyq úderisteri de óte uzaq ýa­qytty qamtydy. Oǵan osy má­selege múddeli barlyq vedomstvo tartyldy. Birinshi kezek­te, Syrtqy ister mınıstrligi men Ishki ister mınıstrligi», – dedi E.Ydyrysov. Sonymen, syrtqy saıasat vedomstvosy basshysynyń aı­týyn­sha, kelesi jyldan bastap 45 memleket úshin vızasyz rejim engiziledi. «2017 jyldyń 1 qań­tarynan bastap ınvestısııalyq áleýeti joǵary ári ekonomıkalyq jaǵynan damyǵan 45 memleket úshin vızasyz rejim ashylady. Bul elderdiń azamattary 30 kún boıy Qazaqstanda emin-erkin júre alady», – dedi mınıstr. E.Ydyrysov, sondaı-aq, vıza­syz rejimge ilikken mem­leket­ter­diń ishinde Avstrııa, AQSh, Gre­kııa, Ispanııa, Shvesııa, Kanada, Fınlıan­dııa, Fransııa, Ońtústik Koreıa, Japonııa, Portýgalııa, Ven­grııa, Kıpr, Belgııa, Sıngapýr, Mo­nako, Iordanııa, Malaızııa, son­daı-aq EQYU, Eýropalyq odaq pen Or­ta­lyq Azııa elderi bar ekenin jetkizdi. Buǵan deıin Qazaqstan 2017 jyl­dyń 1 qańtarynan bastap, 48 memleketke jeńildetilgen re­jim boıynsha vıza alý jóninde de aıtqan bolatyn. Brıfıng barysynda Syrtqy ister mınıstri osy eki tizimniń ara-jigin ajyratyp berdi. «Máselen, vızalyq jeńildikter qarastyrylǵan 45 eldiń azamattary 2017 jyldyń 1 qańtarynan bastap Qazaqstanǵa vızasyz kire alady. Biraq, olar úshin tirkeý tártibi ózgermeıdi. Iаǵnı, olardyń barlyǵy tirkeýden ótedi. Budan bólek, 48 memleketten turatyn taǵy bir tizim bar. Ol – bólek tizim. Ol boıynsha, 48 memlekettiń azamattary úshin vıza alýdyń jeńildetilgen sharttary qarastyrylǵan. Bul vızany elimizden arnaıy shaqyrtýsyz ala alady. Mine, osy tizimge engen shetel azamattary Qazaqstanǵa kelgen kezde shekarashylar qoıǵan mór boıynsha birden tirkeýden ótedi»,– dedi E.Ydyrysov. Buǵan qosa, ol 2017 jyldyń 1 qańtaryna deıin eldegi BAQ-ta vızalyq rejimniń jańa erejeleri jarııalanatynyn da atap ótti. «Bul bizdiń azamattarymyz ben bıznesmenderimizdiń osy tal­ap-ere­jelermen jaqynyraq jáne eg­jeı-tegjeıli tanysyp shyǵý­lary­na múmkindik ber­mek. Al bul rette, Syrtqy ister mınıstr­liginiń Konsýldyq qyzmet departamenti men Ishki ister mınıstrliginiń tıisti qury­lym­dary jańadan engi­zil­gen erejelerdiń qalaı júzege asyry­latynyna, vızanyń túrli kate­gorııalaryna qatysty óz tarap­tarynan tolyqtaı túsi­nik­teme berip otyratyn bolady», – dedi ol. Láıla EDILQYZY, «Egemen Qazaqstan»