Astanada Jańa jyldy qarsy alýǵa qyzý daıyndyq júrip jatyr, dep habarlady Astana qalasy ákimdiginiń baspasóz qyzmeti.
Mereke qarsańynda qala túrli tústi ınstallıasııalarmen, jarqyraıtyn arkalarmen jáne músindermen bezendirildi. Bul qala turǵyndary men qonaqtaryna meıramnyń sıqyrly atmosferasyn sezinýge múmkindik beredi. Bıyl elordada 16 shyrsha ornatyldy, buǵan qosa, jergilikti bıznesmender de ózderine tıesili aımaqtarǵa shyrshalar ornatty.
Qalany bezendirýde jylda biryńǵaı tústi sheshim tańdap alynady, bıyl kógildir túske basymdyq berildi. Bezendirýdiń jańa tujyrymdamasy qurylyp, jańajyldyq sıpattaǵy jarqyraıtyn arkalar men kronshteınder ornatylady. Jol qıylystary men jolaıryqtardaǵy araldar jańa 3D kishi arhıtektýralyq formalarmen bezendirildi. «Qazaq eli» alańyndaǵy, «Otan qorǵaýshylar» monýmentiniń aldyndaǵy, Oqýshylar saraıynyń jáne Saryarqa aýdany ákimdiginiń aldyndaǵy fontandar ertegilik sıpatta bezendirildi. Jol boıyndaǵy aǵashtar jańa úlgide bezendirildi, olar jaryn-dınamıkalyq sharlarmen, juldyzshalarmen, oıynshyqtarmen kóriktendirildi. «Astana» konsert zalynyń aldynda, B. Momyshuly dańǵylynda jáne Sýly-jasyl býlvarynda tonnel túrindegi jaryq ınstallıasııalary ornatylady.
«Báıterek» monýmentiniń aldyndaǵy alańda «Saraı qabyrǵasy» atty kompozısııa ornatylady.
Esil ózeniniń jaǵalaýyn daıyndaýǵa erekshe nazar aýdaryldy. Rotondalar, jaıaý júrginshiler kópiri jańajyldyq ıllıýmınasııamen bezendirilip, jaǵalaýdyń boıymen merekelik jaryq aspasy ornatyldy.
Astanalyqtardyń qysta jıi baratyn orny – muz qalashyqtary. Bıyl elordada tórt negizgi qalashyq jasaldy. Olar «Han Shatyr» SOSO-nyń janynda, ákimdik ǵımaratynyń aldyndaǵy alańda, Esil ózeniniń jaǵalaýynda jáne «Stýdentter» saıabaǵynda.
