Qazaqstan men Iran teńiz saýdasyn jandandyrady

Búgin Aqordada Qazaqstan Prezıdenti Nursultan Nazarbaev pen Iran Islam Respýblıkasynyń Prezıdenti Hasan Rýhanı arasyndaǵy kelissózderden keıin birqatar qujattar rásimdeldi, dep habarlaıdy QazAqparat. Atap aıtqanda, QR Premer-Mınıstriniń orynbasary Aýyl sharýashylyǵy mınıstri Asqar Myrzahmetov pen Iran Aýyl sharýashylyǵy mınıstri Mahmýd Hodjatı eki el Úkimetteri arasynda veterınarııa jáne janýarlar densaýlyǵyn qorǵaý salasyndaǵy yntymaqtastyq týraly kelisimge, QR Inestısııalar jáne damý mınıstri Jeńis Qasymbek pen Iran Qurylys jáne jol sharýashylyǵy vıse-mınıstri Mohamad Saııd Nejad eki el Úkimetteri arasynda saýda maqsatynda teńiz keme qatynasy salasyndaǵy yntymaqtastyq týraly kelisimge, QR Inestısııalar jáne damý mınıstri Jeńis Qasymbek pen Iran Prezıdentiniń orynbasary, Mádenı mura, qolóner jáne týrızm uıymynyń tóraıymy Zahra Ahmadıpýr ózara toptyq týrıstik saparlardy jeńildetý týraly vedomstvoaralyq memorandýmǵa, QR Ulttyq bankiniń tóraǵasy Danııar Aqyshev pen Iran Ortalyq bankiniń tóraǵasy Valıýlla Seıf QR Ulttyq banki men IIR Ortalyq banki arasynda ekijaqty saýdany uıymdastyrýǵa járdemdesý jónindegi memorandýmǵa, QR Densaýlyq saqtaý jáne áleýmettik damý mınıstri Tamara Dúısenova men Iran Syrtqy ister mınıstri Mohammad Zarıf eńbek jáne áleýmettik qamsyzdandyrý salasyndaǵy yntymaqtastyq týraly vedomstvoaralyq kelisimge qol qoıdy.