1999 jyly elimizdegi mektep jasyna deıingi balalardyń 10,2 paıyzy ǵana balabaqshaǵa barsa, Elbasy tapsyrmasymen qolǵa alynǵan baǵdarlamalar nátıjesinde balabaqshamen qamtylǵan balalardyń úlesi sońǵy 6 jylda 8 ese ósip, búginde 81,6 paıyzǵa jetti.
2010 jyly iske qosylyp, mektepke deıingi bilim berý isine jańasha serpin bitirgen «Balapan» baǵdarlamasynyń alǵashqy qarlyǵashtarynyń biri Qaraǵandy oblysynyń Buqar jyraý aýdanyna qarasty Doskeı aýylyndaǵy «Aqbota» bóbekjaı-balabaqshasy.
Qaraǵandy oblystyq úsh tildilik «Jol kartasyna» aýdanymyz boıynsha engen jalǵyz balabaqsha da búginde tárbıelenýshiler men birge tárbıeshiler de orys, qazaq, aǵylshyn tilderin meńgerip, til sabaqtaryn tereńdetip oqıdy.
- Bilim berý standarttary boıynsha bizdiń balabaqsha búldirshinderdi birinshi synypqa emes, daıarlyq synyptaryna daıyndaıtynyn eskersek, olar aǵylshyn tilindegi áripterdiń aıtylýyn, sanaýdy úırenedi, ıaǵnı úsh tilde taqpaqtar jattap, til mashyǵyn qalyptastyrady, - deıdi, «Aqbota» balabaqshasynyń meńgerýshisi Záýresh Omarova.
Jas urpaqtyń el bolashaǵyna tikeleı áser etetindigin kókirek kózimen túısinetin ujym 2012 jyldan beri «Etnomádenıet – túrli mádenıetterdi tanytý quraly retinde» jobasyn qolǵa alyp, etnomádenı murajaı kabınetin ashqan. Onda qazaq, nemis, ýkraın, tatar, sheshen, ózbek, orys sııaqty túrli ulttardyń mádenı jáne tarıhı qundylyqtaryn tizgen kórme jasaqtalǵan. Shaǵyn murajaıǵa jańadan kelgen kishkentaı búldirshinder úshin ekskýrsııalar jasaqtalyp, ulttyq qundylyqtarymyz kórneki túrde nasıhattalyp keledi.
Aıta ketý kerek, qurylǵanyna az ǵana ýaqyt ótse de, «Aqbota» óziniń ádistemesin dańǵyl jolǵa qoıǵan. Osy ýaqyt ishinde nysan meńgerýshisi Záýresh Omarova men ádisker Aıgúl Qalmaǵanbetovanyń avtorlyǵymen birneshe baspa kitaptar, sonyń ishinde «Máńgilik El - Qazaqstan» ádistemelik nusqaýlyǵy jaryq kórgen. Bunyń barlyǵy mektepke deıingi zamanaýı bilim berý talaptaryn júzege asyrýǵa baǵyttalǵan.
Eki jaqty tıimdi jumysty júzege asyrý úshin oblys boıynsha uıymdastyrylǵan «Jas ata-ana» jobasyna barlyq aýdan balabaqshalary qatystyrylsa, solardyń biri «Aqbota».
- Qazirgi tańda Buqar jyraý aýdany boıynsha jeti balabaqsha búldirshinderdi tárbıelese, olardyń beseýi aralas, bireýi qazaq jáne bireýi orys tilinde tárbıe júrgizedi. Sonymen qatar, aýyl turǵyndarynyń suranystaryn qamtamasyz etý jáne mektepke deıingi balalardyń ýaqytyn uıymdastyrý, tárbıe berý maqsatynda mektep qabyrǵalarynda 41 shaǵyn ortalyq jumys jasaıdy, - deıdi aýdandyq bilim berý bóliminiń bas mamany Janar Qıqymbekova.
Sonymen qatar, mamannyń aıtýynsha keler jyly aýdanǵa qarasty Botaqara aýylynda 90 balaǵa jáne Dýbovka aýyldarynda 160 balaǵa arnalǵan burynǵy balabaqsha ǵımarattaryna rekonstrýksııa jasap, ashý josparda bar. Tek ýaqyt pen qarjy enshisindegi másele bolyp otyr. Al ótken jyly ashylǵan Baımyrza aýylyndaǵy 140 balaǵa arnalǵan balabaqsha óziniń tárbıelenýshilerin jınap, jumysyn jolǵa qoıýda.
Nazerke Ábikeeva
Qaraǵandy oblysy, Buqar jyraý aýdany
