Qyzmet kórsetý máselesine arnalady

Keshe elordada Parlament Májilisiniń depýtaty Maıra Aısınanyń tóraıymdyǵymen «Nur Otan» partııasy Saılaýaldy baǵdarlamasynyń «Memlekettik qyzmet kórsetý» baǵyty boıynsha komıssııasynyń 2016 jylǵy jumystarynyń qorytyndysyna arnalǵan otyrys ótti. Otyrysqa Parlament Májilisi­niń depýtattary, Aqparat jáne kommýnı­kasııalar, Densaýlyq saqtaý jáne áleý­mettik damý, Ulttyq ekonomıka, Qarjy mınıstrlikteriniń, Memlekettik qyzmet isteri agenttiginiń, ulttyq kompa­nııa­lar­dyń jáne úkimettik emes uıymdar­dyń ókilderi qatysty. Komıssııa tóraıymy Maıra Aısınanyń atap ótýinshe, baǵ­dar­lamalyq qujattar elimizdiń aımaq­tarynyń damýy men gúldenýine baǵyt­talǵan. Olardy iske asyrý úshin úlken kólemde bıýdjet qarajaty bólinip otyr. Otyrysta Aqmola, Aqtóbe, Atyraý, Batys Qazaqstan, Mańǵystaý jáne Sol­tús­tik Qazaqstan oblystaryndaǵy komıs­sııalar tóraǵalarynyń «Aqparatty Qazaqstan-2020» baǵdarlamasyn iske asyrý monıtorınginiń nátıjeleri týraly habarlamalary tyńdaldy. Olar óńirler­de memlekettik qyzmetke alý kezinde azamat­tarǵa kedergi bolyp otyrǵan negizgi problemalardy ortaǵa saldy. Máselen, Aqmola oblysy ortalyq deńgeıinde memqyzmetterdiń reglamentin jasaý, memlekettik qyzmet kórsetý kezinde artyq tetikterdi alyp tastaý úshin memlekettik qyzmetterdiń reınjınırıngin ótkizý qajettigi jóninde problema kóterdi. Atyraý men Batys Qazaqstan ob­lys­tarynda kólikterdi tirkeıtin jáne júrgizýshi kýáligin beretin maman­dan­dyrylǵan ortalyq qurylysyn salý máselesi tur. Mańǵystaý oblysy keden jáne salyqtyq basqarýdaǵy tetik­terdi ońaılatýdy usyndy. Al Sol­tústik Qazaqstan oblysyndaǵy komıs­sııa músheleri aýyldarda kadrlardyń jıi aýysýyna, olardy daıarlaý men qaıta daıarlaý, sondaı-aq, elektron­dy Úkimet múmkindikterin paıdalaný boıynsha aýyldyq jerdegi halyqty aqparattandyrýdy arttyrý máselesiniń ózektiligine nazar aýdardy. Otyrysqa qatysqan memorgandar ókilderi óz keze­gin­de kóterilgen máselelerge baılanys­ty jaýaptar qaıtardy jáne jergilik­ti jerlerde qordalanǵan problemalardyń sebepterin túsindirdi. Álısultan QULANBAI, «Egemen Qazaqstan»