Astanada úsh myńnan astam otbasyǵa kómek kórsetildi

Elordada «Astana – meıirimdi qala» qaıyrymdylyq aksııasy aıasynda kómek kórsetý jalǵasyp jatyr, dep habarlady Astana ákimdigi. «Esil» aýdany ákiminiń apparaty 1 jeltoqsannan beri asyraýshysynan aıyrylý boıynsha járdemaqy alatyn 800 adamdy qamtyǵan. Olar úshin azyq-túlik jınaqtary daıyndaldy. Aksııa ótetin ýaqytta az qamtylǵan, kóp balaly otbasylar qatarynan taǵy 30 adamǵa aýdandaǵy uıymdar qaıyrymdylyq kómek kórsetti. «Almaty» aýdany ákimdiginiń málimetinshe, «Astana - meıirimdi qala» aksııasy sheńberinde saıası qýǵyn-súrgin qurbandaryna kómek kórsetildi, barlyǵy 1000-ǵa jýyq adam qamtyldy. Sharaǵa bıznes qoǵamdastyq, aýdandaǵy 35 jalpy bilim berýshi mektep jáne merdiger uıymdar qatysty. «Saryarqa» aýdany boıynsha 1350 otbasyǵa kómek kórsetildi. Sonyń ishinde 10 otbasyǵa  qatty otyn, 10 otbasyǵa – qurylys materıaldary, 1320 adamǵa azyq-túlik ónimderi jetkizildi. Aıta keteıik, elorda ákimdigi bastaýymen «Astana – meıirimdi qala» aksııasy jeltoqsan aıynyń basynda bastalyp, 31-shi jeltoqsanda aıaqtalady.