Qazaqstan men Iran Kaspıı teńizi arqyly saýda kelisimine qol qoıdy

Iran Islam Respýblıkasynyń Prezıdenti Hasan Rýhanıdiń Qazaqstan Respýblıkasyna sapary aıasynda Kaspııdegi teńiz saýda keme qatynasy týraly úkimetaralyq kelisimge qol qoıyldy, dep habarlady Investısııalar jáne damý mınıstrligi. Bul halyqaralyq kelisim Qazaqstan men Iran arasyndaǵy ekijaqty yntymaqtastyqty nyǵaıtýǵa baǵyttalǵan jáne eki el arasyndaǵy teńiz júk tasymalyn damytýǵa oń áserin tıgizedi. Búgingi kúni Iran Aqtaý portynan kelip túsetin eksporttyq júkterdiń negizgi tutynýshylarynyń biri bolyp tabylady. Jyl saıyn Irannyń soltústik porttarynan 2 mln.tonnaǵa jýyq ár túrli júkter tasymaldanady. Qol qoıylǵan úkimetaralyq kelisim qazaqstandyq jáne ırandyq keme qatynasy kompanııalary arasyndaǵy teń básekelestik jaǵdaılardy qurýǵa, keme qujattaryn ózara moıyndaýdy qamtamasyz etýge, porttardyń qol jetimdiligine jáne porttyq alymdardy tóleý kezinde teń jaǵdaıda bolýyna múmkindik beredi.