«Qazkommersbank» AQ retteýshi talaptardy oryndaıdy jáne klıentterdiń mindettemelerin tolyq kólemde oryndaıdy.
Ulttyq bank basqarmasy osyǵan deıin «Qazkommersbank» AQ-qa banktiń júıelik mańyzdylyǵyn eskere otyryp 400,8 mlrd teńge somaǵa qysqa merzimdi qarjylandyrý týraly sheshim qabyldaǵan bolatyn. Qaryz bank klıentteriniń aldyndaǵy mindettemelerdi oryndaý úshin ótimdiliktiń qosymsha qoryn qamtamasyz etý maqsatynda berildi.
Búgingi kúni bank ótimdi aktıvterdiń jetkilikti kólemine ıe, bul oǵan qaryzdy ishinara merziminen buryn óteýge múmkindik berdi. «Qazkommersbank» AQ Ulttyq bankke buryn bólingen qarajattyń jartysyn qaıtardy.
Qazirgi ýaqytta bankterdi kapıtaldandyrýdy ulǵaıtý bank sektorynyń básekege qabilettiligin arttyrýdyń basym baǵyttarynyń biri bolyp tabylady. Osyǵan baılanysty Ulttyq bank aǵymdaǵy qadaǵalaý prosesi sheńberinde aksıonerlermen, onyń ishinde «Qazkommersbank» AQ-tyń aksıonerlerimen kapıtaldandyrý deńgeıin arttyrý jóninde kelissózder júrgizýde.
