Qazaqstandyq operatorlar lımıtsiz 4G ınternetti jaýyp jatyr

Lımıtsiz 4G ınternettiń dáýreni bitti. Jańa jyldan bastap barlyq operatorlardyń abonentteri ózderiniń tarıftik jospary boıynsha shekteýli ınternet alady, dep habarlaıdy Tengrinews.kz. Tele2 jáne Altel operatorlarynyń tutynýshylary tek 31 jeltoqsanǵa deıin ǵana lımıtsiz ınternet qoldana alady. 2017 jyldyń 1 qańtarynan bastap qos operatordyń da ınterneti shekteýli bolady. "2016 jyldyń 31 jeltoqsanynda tórt tarıftik jospar boıynsha aksııalyq lımıtsiz ınternettiń ýaqyty aıaqtalady," - dep habarlaıdy Tele2. Altel de 4G ınternettiń aıaqtalatynyn habarlaıdy. Degenmen, tutynýshylar atalǵan tarıfti taǵy bir aıǵa soza alady. Beeline operatory da lımıtsiz ınternetti toqtatpaqshy. "Biz basynda-aq eskertkenbiz. Ázirge lımıtsiz ınternetti sozý týraly jospar joq. Degenmen, tegin ınternet endi bolmaıdy," - deıdi kompanııanyń korporatıvti kommýnıkasııa jónindegi dırektory Alekseı Bendz. Kcell óziniń "Prestıj+" tarıftik jospary boıynsha 10 qańtarǵa deıin sheksiz ınternet usynady. Jyl basynda Altel operatory lımıtsiz ınternetti alyp tastaǵan edi. Bul Tele2 operatorymen qosylǵannan keıin bolǵan.