«Januıa» fılminiń tusaýkeseri ótti

Shymkenttegi Jastar resýrstyq ortalyǵynda «Januıa» fılminiń tusaýkeseri ótti, dep habarlaıdy Baq.kz. Ońtústik Qazaqstan oblysynyń jastar saıasaty máseleleri jónindegi basqarmasynyń tapsyrysymen túsirilgen kıno týyndynyń rejıseri - «Maıdangerler», «О́telmes borysh», «Jastyq shaq»», «Jańǵyryq» fılmderimen tanymal Serik Talasov. Kıno jelisinde qazirgi qoǵamda oryn alǵan otbasydaǵy keleńsiz jaǵdaılar sýrettelip, úlkenge qurmet, kishige izet bildirý syndy jalpy tárbıelik uǵymdar kórinis tapqan. Beıne fılmniń kastıngi bıylǵy jyldyń 1 tamyzynda ótkizilip, 200-den asa akterlik qabileti bar jastar ról somdaýǵa iriktep alyndy. Fılmniń túsirilimi Shymkent qalasynda ótti. Jańa kınoda belgili akterler Erjan Jarylqasyn, Aqmaral Mahanova, Ǵalymjan Qalybaev, Oljas Bekbaýov rólderdi somdaıdy. Tusaýkeser rásimi barysynda fılmniń jaryqqa shyǵýyna úles qosqan shyǵarmashylyq top oblystyq jastar saıasaty máseleleri jónindegi basqarmanyń arnaıy alǵys hatymen marapattaldy.