Bir sýrettiń syry

Saıramsý ózeniniń boıyna el erte zamannan qonystanǵan. Egin egýge, mal ósirýge qolaıly aımaq. Solardyń biri – Tólebı aýdany Kóksáıek aýyldyq okrýgine qarasty Qazaqstan aýyly. Bul eldi mekenniń tarıhy baı. Osy jerden kezinde 3 Eńbek Eriniń shyqqandyǵynyń ózi kóp jaıdy ańǵartsa kerek. 1959 jyly biz sóz etip otyrǵan Qazaqstan aýy­lyna zamanymyzdyń zańǵar jazýshy­sy Muhtar Áýezov kelgen. Bul oqıǵa qa­lam­gerdiń Ońtústikke jasaǵan sapary jaıly jazylǵan estelikterinde aıty­lady. Jazýshy aýyl ardaqtysy ári aby­roıly azamat Sypabek Tileýovtiń sha­ńy­raǵyna kelip túsken. Anasy Kórkem apa jas kezde Turar Rysqulovpen birge ósip­ti. Osy týraly qalamgerge kóptegen maǵ­lumat aıtyp bergenge uqsaıdy. Al Kór­kem apanyń balasy Sypabek «Abaı jo­lynyń» birinshi kitabyndaǵy «Qııada» de­gen bóliminiń tórtinshi taraýynan úzin­di oqyp bergende Muhańnyń kóńili kó­terilip, rıza bolǵan eken. Bul jaıynda men ulaǵatty ustaz Seıilbek Alpaevtan, Kenje Jolymbekten estigen edim. ...Sodan beri qanshama ýaqyt ótti. Al ımperııa kúırep, egemendik alǵa­ny­­­myzǵa shırek ǵasyrǵa jýyqtady. Qa­­zaq eli táýelsizdikke qol jetkizdi. Qazaqstan aýyl­yn­da jańa derbes mektep salynǵanyna birneshe jyldyń jú­zi boldy. Onyń janynan eskertkish orna­tylyp, Uly Otan soǵysynda jat jer­de qalǵan jáne elge aman-esen ora­lyp, beıbit ómirde qaıtys bolǵan maı­dan­ger­lerdiń aty-jónderi mármár tasqa qa­sha­lyp jazylǵan. Mek­tep­­te ólketaný mý­zeıi jumys isteıdi. Onda uly jazýshy Muhtar Áýezovtiń osy óńir­degi saparynan belgi retinde biz sóz etip otyr­ǵan sý­ret te kórneki jerge qoıylǵan. Serikqalı JEKSENBAEV Ońtústik Qazaqstan oblysy, Tólebı aýdany Sýrette: jazýshy M.Áýezov Qazaq­stan aýylynyń turǵyny Kórkem ájemen áńgimelesýde. 1959 jyl