Joıǵysh ushaqtardyń partııasy kelip tústi

Qarýly Kúshterdiń jaýyngerlik quramy 4++ úlgisindegi Sý-30SM zamanaýı kóp fýnksııaly joıǵysh ushaqtarynyń kezekti partııasymen tolyqty. Ushaqtyń bul túri óziniń ushý jáne taktıka-tehnıkalyq sıpattamalary boıynsha álemdik ǵylymı-tehnıkalyq ilgerileýdiń asa joǵary deńgeıimen alǵanda áskerı ushaq qurastyrý salasynda 5-shi úlgige barynsha jaqyndatylǵan.  Ushaq qarsylastyń aqpa­rat­tyq jáne atyspen qarsy is-qımyl jasaý jaǵdaıynda táýlik boıy, kez kelgen aýa raıynda bazadan edáýir qashyqtyqta jaýyngerlik tapsyrmalardyń keń spektrin oryn­daýǵa qabiletti. Sý-30SM  áýe nysanalaryn, sondaı-aq, jerústi jáne sýústi nysandaryn joıý boıynsha tapsyrmalardy sheshedi. Qarý-jaraqtyń keń túrimen jáne borttyq radıoelektrondy qurylǵynyń zamanaýı keshenimen jabdyqtalǵan. Atalǵan joıǵysh ushaqty oı­da­ǵydaı meńgerý úshin teh­nı­ka­nyń qyr-syryn jaqsy bilip, udaıy ózin ózi jetildirip otyrý qajet. Bir jarym jyl ishinde ushqyshtar atalǵan ushaqty sátti meńgerdi. Buǵan dálel retinde, birqatar oqý-jattyǵýlarǵa  qa­ty­­sýyn atap ótýge bolady. Sý jańa avıasııalyq tehnıkanyń jet­kizilýi,  jalpy alǵanda, Qazaqstan Qarýly Kúshteriniń ushýlar qaýipsizdigi men qorǵa­nys qabilettiligin arttyrýǵa múmkindik beredi. Bul týraly avıasııalyq ba­za komandıriniń tárbıe jáne ıdeo­logııalyq jumystar jó­nin­degi orynbasary, podpolkovnık Temirtas Ybyraev atap ótti. Sý-30SM ushaqtarynyń al­ǵash­qy partııasy Qazaqstan Áskerı-áýe kúshteriniń jaraq­tan­dyrylýyna 2015 jyly bu­dan buryn Qazaqstan men Re­seı qorǵanys vedomstvolary basshylarynyń arasynda qol jetkizilgen ýaǵdalastyq sheń­berinde kelip túsken bolatyn, dep habarlady Qazaqstan Res­pýblıkasy Qorǵanys mı­nıs­t­r­liginiń baspasóz qyzmeti.