Jańa jyldan keıin de ómir jalǵasady

«Qazaqstannyń turǵyn úı qurylys jınaq banki» AQ-tyń ár depozıtine 20% memlekettik syıaqy qosylady Sanaýly kúnderden keıin jyl da aıaqtalmaq. О́tip bara jatqan jylda elimizdiń kóptegen turǵyndary úshin qýanyshtyń úlkeni – qonystoılar boldy. Endeshe talaılardy baspanaly etken banktiń óz klıentterine arnaǵan Jańa jyldyq syılyqtary bar. «Qazaqstannyń turǵyn úı qurylys jınaq banki» AQ-tyń ár depozıtine 20% memlekettik syıaqy qosylady. Bul qarajat jyl boıy depozıtin kez kelgen somaǵa tolyqtyrǵan árbir salymshyǵa tıesili. Árıne, Jańa jyldan keıin de ómir jalǵasady. Erteńin oılaǵan árbir adam aldymen úıli bolýdy oılaıdy. Jaıly da jańa páterli bolýdy kózdeıtin jandar armandaryn iske asyratyn joldardyń barlyǵyn eksheıdi. Mundaı qýanyshty maqsatqa qol jetkizýdiń  tóte joly – «Qazaqstannyń turǵyn úı qurylys jınaq banki» AQ ekenine eldiń anyq kózi jete bastady. О́ıtkeni atalmysh bank  tıimdi usy­nys­tardyń barlyq joldaryn qaras­tyryp keledi. О́z kezeginde salymshylar da mun­daı sátti múmkindikterdi jiberip almaýǵa umtylýda. Qaı jaǵyna alyp qarasaq ta, bank salymshylary úshin paıdaly usynystar kóp. Máselen jyl qorytyndysy boıynsha bank klıentterine 2 paıyz syılyqaqy qosatyn bolsa, onyń ústinen 200 mınımaldy aılyq eseptik kórsetkishten, ıaǵnı 424 200 teńgeden aspaıtyn jyldyq somaǵa memleket 20% syıaqy bóledi. Demek jyl boıy salymshy osy somany jınaqtap úlgerse, onda osy qarajatyna taǵy 84 840 teńge qosylady. Osylaısha memleketimiz turǵyn úı qurylys jınaqtaýshy júıesine qatysyp jatqan jandar armandaryna bir taban bolsa da tez jaqyndaýy úshin kómegin aıamaı otyr. Degenmen osy arada QTQJB depozıtterine bólinetin memlekettik syıaqy ótip bara jatqan jyldyń 1 qańtaryndaǵy somadan beri qaraı esepteletinin eskerte ketken jón. Alaıda aǵymdaǵy jyldaǵy mundaı syı­aqy ótken jyly osyndaı júldege ıe bolǵan salym­shylarǵa berilmeıdi. Eger depozıtte jı­naq­talǵan qarjy 200 AEK-tan asyp ketse, onda syıaqyǵa ilinbegen soma kelesi jyl­ǵy memlekettik júldeni eseptegen kezde eskeriledi. Mysaly salymshy jyl boıy bankke 600 myń teńge quıdy delik. Oǵan beriletin maksımaldy júlde  84 840 teńge bolady. Qalǵany keler jyldyq syıaqynyń úlesine kiredi. Al ótken jyly memlekettik júldege banktiń 537 421 klıenti iligip, olardyń salymdaryna 363 mıllıon teńge qosylǵan. Bank mamandarynyń esepteýinshe, bıyl tólenetin syıaqy somasy shamamen ótken jylǵydan 20-25 paıyz artyq bolmaq. Bul soma aldaǵy jyldyń qańtar aıynda anyqtalady. Máselen bank qyzmetine kiriskeli beri, memleket osy kúnge deıin onyń salymshylaryna 53 mıllıard teńge kóleminde syıaqy bólgen. Oqyrmandarǵa osynyń barshasy túsinikti bolýy úshin «Qazaqstannyń turǵyn úı qurylys jınaq banki» AQ baspasóz hatshysy Aıbar OLJAEVPEN tildesken edik. «Ádettegideı jyl aıaqtalar kezde biz dástúrli túrde bank bólimsheleriniń qyz­meti jandanyp ketetinin baıqaımyz. Kóp­shiligi memleket syıaqysyna iligý úshin depozıtterin toltyrýǵa asyǵady. Al úlgermegender bolsa áli de birneshe kún ýaqyttary bar. 30 jeltoqsanda keshki altyǵa deıin banktiń barlyq bólimsheleri qyzmetin toqtatpaıdy. Biraq bul úshin bankke sandalyp kelýdiń de qajeti shamaly. Salymshylar óz shotyn qazirgi neshe túrli on-line resýrstar kómegimen-aq tolyqtyra salady. Eń bastysy memlekettik syıaqyny alý úshin qandaı da bir qujattar jınap, sandalýdyń qajettiligi joq. Depozıttegi soma jetkilikti bolǵan jaǵdaıda memleket tarapyna bólinetin qarajat avtomatty túrde salymǵa ústeme bolyp qosylady», deıdi Aıbar Qaınaruly. Aldaǵy kúnderi banktiń  jańa klıenti bolamyn deıtinderge ótken jyly memleketten syıaqy alǵan almatylyq Zákıra MEShITBAEVANYŃ mysalyn keltireıikshi. – Bilesiz be, páter alamyn dep aqsha jınap júrgender úshin 84 myń teńge kóp qara­jat bolyp kórinbeýi múmkin. Kóptegen salym­shy­lardyń jalaqysy  mardymsyzdaý. Mysaly, men býhgaltermin. Alatyn aılyǵym 80 myń teńgeden aspaıdy. Sondyqtan bul soma men úshin aıtarlyqtaı bonýs. Eger aıyna kemi 20-30 myń teńgeni depozıt úshin qaǵystyryp otyratyn bolsam, memlekettiń syıaqysy júgimdi kádimgideı jeńildetti. Osylaısha taǵy 3-4 jyl qarajat quısam, úıli bolamyn, – deıdi bank salymshysy. Qarap otyrsaq páter alatyn qarajatty bankte kez kelgen ýaqytta, kez kelgen somaǵa quıa berýge bolady. Qatyp qalǵan qaǵıda joq. Mysaly almatylyq Shárıpa MÁKEEVA osy aptada ǵana «Qazaqstannyń turǵyn úı qurylys jınaq banki» AQ bólimshesine birden 1 mıllıon teńge alyp kelip, birneshe salymdardy tolyqtyrǵan. Bul kisi banktiń eń baıyrǵy klıentteriniń biri. Demek, tıimdi depozıtterdiń mán-jaıyn meńgergen. Osydan 13 jyl buryn alǵashqy depozıtin ashqan Sh.Mákeeva osy jyldar ishinde banktegi salymdarynyń arqasynda bala-shaǵasy úshin eki úı turǵyzyp, 2 páter satyp alǵan. – Bir kezderi men turǵyn úı qurylys jınaqtaýshy júıesi baǵdarlamalarynyń jurtqa kómektese alatyna sendim. Ol kezde týǵan-týystarym budan nátıje shyǵatynyna kúmánmen qaraǵan edi. Esesine qazir sol týysqandarym men tanystarymnyń barlyǵy derlik qazir osy banktiń salymshylary. Bizdiń úıli-kúıli bolǵanymyzdy óz kózderimen kórdi. Baspana máselesin sheshýge banktiń kómektese alatynyna kózderi jetti, balalarym bas basyna otaý quryp otyr. Endi nemeremniń keleshegi qamsyz bolsyn dep, depozıt ashtyq. Qazir zeınettemin, kóp qarajatym joq. Biraq otbasyndaǵy bárimiz retine qaraı birigip aqsha quıamyz. О́zim áýlettiń úlkeni retinde osy iske qulshyndyryp otyramyn. Álde de bolsa depozıt ashýǵa júregi daýalamaı júrgenderdi mindetti túrde táýekelge barýǵa shaqyramyn, – deıdi Sh.Mákeeva. Osy arada qyzyq málimetter kelti­reıikshi. Osydan biraz jyl buryn jýrnalıst retinde «Qazaqstannyń turǵyn úı qurylys jınaq banki» AQ-tyń túr­li tarıftik baǵdarlamalary týraly túsinik­teme maqalalar legin daıyndap júrdik. Sol jyldary bul bastamalardyń baspana­syz jandarǵa kómegi ólsheýsiz ekenine kóp mán bermegenimiz ras. Esesine bizdiń maqa­la­larymyzǵa ıek artqan úısiz talaı tanys­tarymyz táýekelge baryp, depozıt ashyp, aınalasy birneshe jyldyń ishinde qonys toılarynyń da qýanyshyna ortaqtastyq. Taǵy bir qyzyqty qarańyz. Bul mysalǵa tezirek baspanaly bolýdyń joldaryn qarastyrǵan otbasy músheleri jumyla múddeli bolýy tıis. Salymynyń barynsha tıimdi bolýyn qarastyratyn kóptegen klıentter bir emes, birneshe depozıt ashady. Shamalaryna qaraı qarajat quıyla beredi. Memlekettik syıaqy da bas bastaryna jeke qosylady.  Páter alamyz-aý degen kezde esepshottaryn biriktiredi – buǵan bank erejesi boıynsha tyıym salynbaǵan. Máselen, buǵan joǵarydaǵy almatylyq Shárıpa Mákeeva mysaly bola alady. Tipti 5-6 depozıtke deıin biriktirgen klıentter de tabylady. Demek 5 depozıt ashylǵan bolsa, bir jyldyń ishinde ony memlekettik syıaqy esebinen jarty mıllıon teńgege deıin kóbeıtip alýǵa bolady. Al bul úıli bolamyn degen jandar úshin az kómek emes. Qysqasy, mundaı otbasylyq paketter aılyǵy turaqsyz, jalaqysy mardymsyz jandarǵa da paıdasy aıtarlyqtaı. Keıde klıentter aı saıyn qarajat quıa almaı jatady. Birde bar, birde joq ómir. Sondyqtan úıli bolamyn deıtinderge munan tıimdisi joq. Osy kúnderdiń ózinde barlyq múmkin­dikterdi paıdalanyp, Jańa jyldy óz úılerinde qarsy alyp, qýanyshqa bólenip jatqan «Qazaqstannyń turǵyn úı qurylys jınaq banki» AQ-tyń klıentterin barlyq bólimshelerden tabasyz. Al munyń jolyn retimen aıtyp otyrmyz. Iаǵnı alǵyńyz kelip júrgen úıdiń nemese páter qunynyń jarty aqshasyn óz depozıtińizde jınaqtaǵannan keıin qalǵan 50 paıyz kólemindegi turǵynúı zaemyn bank beredi. Eger alatyn bir bólmeli páter 6 mıllıon teńge turatyn bolsa, 3 jyldyń ishinde sol somanyń jartysyn jınaǵanyńyz abzal. Al «Nurly jol» memlekettik baǵdarlamasy aıasynda páter qunynyń 30 paıyzyn jınasańyz da jetkilikti. Qalǵan somany eń tómengi 3,5-ten 5 paıyzdyq ústememen bank beredi. Qarap otyrsaq, tek bıylǵy 11 aıdyń ishinde Qazaqstannyń turǵyn úı qurylys jınaq bankimen 250 myń adam jańa kelisim­shart jasaǵan. Bul turǵyn úı qurylys jınaqtaýshy júıesine degen jurtttyń senimi ulǵaıdy degen sóz. Zaman qubylyp, teńge quny ózgerip, túrli qarjylyq daǵdarystar oryn alyp turǵanda adamǵa ózinen basqa eshkim kómektese almaıdy. Mundaı jaǵdaıda dos-jaran, týǵan-týysqan da dármensiz. Bul jerde naqty kómektese alatyn – esepshotyńdaǵy naqty salymdar ǵana. Qazirgi aqparattyq tehnologııalardyń damyǵan zamanynda bul úshin bankterdiń esigin tozdyrýdyń tipti qajeti joq. Mazalaǵan barlyq suraqtardy telefonnan 300 nómirin terip, keńesshilerdiń kómegi arqyly anyqtaýǵa bolady. Kózi ashyq  klıentter aı saıyn bankke barmaı-aq online tólemder arqyly shottaryn tolyqtyryp otyr. Ýaqytyn únemdeımin degen adam muny da meńgerip alady. Rasynda Qazaqstannyń turǵyn úı qurylys jınaq bankiniń qazir turaqty túrde qajetti qarjylyq operasııalardy ınternet-bankıng nemes post-termınaldar arqyly atqarýda. Uıaly ádis, ıaǵnı smartfondar arqyly júzege asyp jatqan qarjylyq operasııalardyń kórsetkishi ulǵaıyp kele jatqany qýantady. Banktiń kózdegeni de osy. Klıentterdiń ýaqytyn urlamaı, armandaryna qol jetkizýde barynsha zamanaýı jaǵdaı týǵyzý. Endeshe Jańa jyldan keıin de ómir jalǵasady. Barshamyz baspanaly bolaıyq! Aınash ESALI, «Egemen Qazaqstan»  ALMATY