2017 jyldyń birinshi jartysynda memqyzmetkerler attestasııadan ótedi

«100 naqty qadam» Ult josparyna sáıkes, memlekettik apparat kásibılendirýdiń birden-bir kezeńi memlekettik qyzmetshilerdi keshendi attestattaý túsindirme jumystaryn ótkizý qarastyrylyp otyr, dep habarlaıdy Habar24. Attestasııa memlekettik qyzmetshilerdiń quzyrettiligin jáne bilim deńgeıin anyqtaýǵa múmkindik quraly bolyp tabylady. Ústimizdegi jyly jeltoqsanda Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı saıtynyń jarııalymyna sáıkes, 2017 jyldyń birinshi jartyjyldyǵynda josparlanǵan memlekettik qyzmetshilerdi keshendi attestattaýdan ótkizý belgili boldy. Elimiz boıynsha 65 myń maman, onyń ishinde aımaqtarda 58 myń maman attestasııadan ótedi. Memlekettik qyzmetshilerdi attestattaý atqarylyp otyrǵan laýazymynyń sanatyna qaraı úsh kezeńde ótkiziledi. Barlyq aýmaqtyq departamentterde attestattaýdy ótkizý óńirlik jáne jelilik kestesi qalyptastyrylýda. Attestattaýdyń birinshi kezeńi 2017 jyldyń 16 naýryzynda ótedi dep jobalanyp otyr. Ekinshi kezeń 2 aqpannan 17 mamyrǵa deıin, úshinshi 3 naýryzdan 15 maýsymǵa deıin ótkiziledi.