Alaý alyp peshten tutanady

Bir aıdan soń Almatyda XXVIII Búkilálemdik qysqy Ýnıversıadanyń alaýy jaǵylyp, 60-qa jýyq memleketten keletin eki myńdaı sportshy sporttyń 12 túrinen synǵa túsedi. Osynaý dúnıejúzilik dodaǵa elimizdiń ár óńiri erekshe daıyndyq ústinde. 2017 jyldyń 26 qańtary kúni Qaraǵandy men Temirtaý qalalarynda on eki shaqyrymdyq Alaý estafetasy ótpek. Estafeta alaýyn kezekpen alyp júgirýge 60 adam iriktelip alyndy. Aldyn ala qoıylǵan talapqa sáıkes, olardyń bári de oqý men sportta, qoǵamdyq ómirde kósh basynan kórinip, kózge túsken daryndy jastar. – Alaýdy Temirtaýdaǵy áıgili metallýrgııa kombınatynyń dom­na peshinen osy jerde kezinde Elba­symen birge eńbek etken serik­teriniń biri jáne Qaraǵandy mem­lekettik ındýstrııalyq ýnı­ver­sıtetiniń stýdentteri tutan­dyrady, – deıdi oblystyq dene shynyq­tyrý jáne sport basqar­ma­sy­nyń basshysy Natalıa Sýhorýkova. – Sonymen bir mez­gilde Qaraǵandy memlekettik teh­nı­kalyq ýnıversıtetiniń stý­dent­teri shahtaǵa arnaıy túsip, kómir alady da, oblys ortaly­ǵyn­daǵy «Qaraǵandy-Arena» muz saraıynda ornalasqan negizgi alaý qutysyna jetkizedi. Qaraǵandy men Temirtaý estafetashylary márege jetetin muz saraıynda kópshilikti úlken merekelik baǵ­darlama kútedi. Jalpy, Ýnıversıadaǵa Qara­ǵan­dy oblysynan sporttyń shaıbaly hokkeı, shańǵy jarysy, máner­lep syrǵanaý, konkımen jú­girý jáne bıatlon syndy túr­lerinen bar­lyǵy 14 sportshy qatys­paq. Qandaı da bolsyn deńgeı­degi sport básekesinen olja­syz qaıt­paı­tyn qaraǵandylyq jastar álem stý­dentteriniń arasynda da sýyrylyp alǵa shyǵaryna senimdimiz. Qaırat ÁBILDINOV, «Egemen Qazaqstan» QARAǴANDY