Alına RAIKOVA, bıatlonshy: «Shabyttyń da shyrqaý shegi bar»

Seısenbi, 27 jeltoqsan kúni «Alataý» shańǵy-bıatlon kesheninde Qazaqstannyń bıatlon chempıonaty aıaqtaldy. Bul Ýnıversıada aldyndaǵy testik jarystar bolyp tabylady. Osynaý chempıonattyń nátıjesinde Qazaqstan bıatlon quramasy jasaqtaldy. Atalmysh komanda óz elimizdiń tórinde ótkeli otyrǵan stýdenttik alamanda el namysyn qorǵaıdy. Osy jarysta otandasymyz Alına Raıkovadan kútetinimiz kóp. Bıatlon báıgesi bastalǵan kezde jankúıerlerdiń nazary Alınada bolatyny sózsiz. Kókshetaý óńiriniń týmasy Alına buǵan deıin 2015 jyly ótken qysqy Ýnıversıada kezinde  15 shaqyrymdyq qashyqtyqqa sozylǵan jeke shańǵy júgirisinde «altynnan» alqa taqqan. Osrblede top jarǵan Alına RAIKOVANY ulttyq chempıonattan keıin taýyp alyp, «Egemen Qazaqstan» atynan birneshe suraq qoıǵan edik. − Ýnıversıadaǵa bar kúshimizdi salyp daıyndalyp jatyrmyz. Jaqsy nátıje kórsetetin shyǵarmyz dep úmittene­miz. Biz úshin búkil elimiz, barsha Qazaq­stan, tipti týǵan-týysqandarymyzǵa deıin taqymdaryn qysyp otyratynyn bilemiz. Sondyqtan senimdi aqtaýymyz kerek. − Bıylǵy jarystar maýsymy sizdiń sporttyq mansabyńyzdaǵy eń kúrdeli kezeńi sııaqty... − Shyndyǵynda bıylǵy jarys kes­teleri óte tyǵyz. Aldy­men Ýnıversıada ótedi. Odan keıin álem chempıonaty kútip tur. Ile-shala Japonııada qysqy Azııa oıyndary bastalady. Árıne, kúrdeli ári júıke shıryqtyratyn maýsym. О́ıtkeni, 2018 jyly ótetin Olımpııa oıyndaryna qalaı bolǵanda da joldama alýymyz qajet. Ýnıversıada men Azıada kezinde óte joǵary kórsetkishke qol jetkizbesek bolmaıdy. Demek, bul júlde úshin ǵana talas emes. Eldiń ataq-abyroıy, namysy bizdiń moınymyzda. Al jarystar­dyń bastalýyna qaraı, jattyqtyrýshy­lar toby ár sportshynyń múmkindigi men jaǵdaıyn baqylap otyrady. Osy­dan keıin babyna qaraı qaı sport­shy qaı sport túri boıynsha jarys­qa qatysatyndyǵy jóninde sheshim qabyldaıdy. − Siz maýsym máresinen-aq Álem kýbogy jarystaryna qatysyp kelesiz. Shamańyzdy ózińiz de baıqap otyrǵan bolarsyz? − Shynymdy aıtsam, maýsym men úshin asa sátti bastalǵan joq. Maǵan talaı «táj» kıdirgen jeke sa­ıys­tar bolatyn. Bul jaǵynan asa kóńil kónshiterlikteı nátıjeler kórsete qoımadym. Jeti ret aıyp upaıyn alyp qaldym. Odan keıin Slovenııadaǵy Poklıýk estafetasyna daıyndalýym kerek edi. Osydan keıin sprıntti júgirip ótip, júlde aımaǵyna jetip, 30-orynǵa turaqtadym. Bul da jaman emes. Álde de nátıjelerim jaqsara túsetindigine senemin. Biraq taǵy da atap ótkim keledi, biz úshin eń basty máre – «óz úıimizde» ótetin Ýnıversıada. − Siz de, bizdiń Qazaqstan bıatlon koman­dasy da «Alataý» shańǵy-bıatlon keshenin bes saýsaǵyndaı biledi. Qalaı bolǵanda da, bul báseke­les­termen jarys jolyna túsken kezde kádimgideı jeńiske jeteleıtin artyqshylyq bolýy kerek qoı? − Muny men úlken artyqshylyq dep eseptemeımin. Bári de sportshylardyń babyna baılanysty, daıyndyqtarǵa táýeldi. Sporttyq shabyttyń shyrqaý shegi degen bolady. «Alataý» kesheni ádet­tegideı bıiktikte ornalasqan. Jáne jarysqa qatysatyndarǵa birdeı jaǵdaı jasalady. Bul bıiktik ár sportshyǵa ár­túrli baǵynady. Sol sııaqty klımatqa beıimdelý qalaı ótedi, munyń da úlken áseri bar. Biraq qalaı degende de, óz elińde ótetin básekeniń kómegi men qoldaýy bolady. Biz myqty nátıje kór­setý úshin bary­myzdy salamyz. − Siz qazir on­syz da jeke ja­rys­­­­tar bo­­­­ıyn­­­­sha Ýnı­­ver­sıa­da je­ńim­pa­zy is­­pet­ti­siz. Sal­­­­­maq siz­ge kó­bi­­rek túse­tin­deı... − Árıne, oǵan sóz bar ma! Psı­­ho­logııalyq qysym bar, ony jasyr­maı­myn. Biraq aldyn ala qandaı da bir boljamdar jasap, kóterme jospar quryp, bylaı bolady dep aıtqym kelmeıdi. Qazir biz shtattyq rejimde daıyndalyp júrmiz. Nátıjesin kóre jatarmyz. Degenmen, bar kúshimizdi salyp, jankúıerlerimizdiń kóńilinen shyǵýǵa tyrysatynymyz sózsiz. Men aldynǵy Ýnıversıadadaǵy jeńisimdi qaıtalaǵym keledi. Áńgimelesken Aınash ESALI, «Egemen Qazaqstan» ALMATY