Kitaphana – senimdi kómekshimiz

Qaraǵandy qalasyndaǵy №92 gımnazııada Álıhan Bókeıhanovtyń 150 jyldyǵyna arnalǵan kitap kór­mesi uıymdastyrylyp, «Alash» qozǵalysynyń uly kósemi – Álıhan» degen taqyrypta dóńgelek ústel ótti. Oqýshylardyń kitapqa degen súıispenshiligin arttyrý maqsatyn kózdegen kórmede shákirtter nazaryna mektep kitaphanasynyń baıyrǵy qorymen qatar, birtalaı jańa týyndylar da usynyldy. Al dóńgelek ústel otyrysynda Álıhan Bókeıhanulynyń ǵulama ǵalym, tarıhshy, etnograf, ádebıettanýshy, aýdar­mashy, pýblısıst re­tin­degi san qyry saralanyp, onyń qazaq halqynyń saıası-áleý­mettik, mádenı, rýhanı tarıhynda alatyn orny ustazdar men oqýshylardyń qyzý pikirtalasyna ózek boldy. Mektebimizde oqýshylardy bilim álemine tartýda kitap­hananyń atqaratyn róli zor. Atalǵan sharalar so­lar­dyń biri ǵana. Osy oraıda gımnazııamyzdyń kitap­hanashylary J.Qusaıyn men Ú.Maqatovanyń jáne tarıh pániniń muǵalimi D.Útjanovtyń eńbegi zor. Kitaphanada ártúrli taqyryptaǵy is-sharalar jıi ótedi. Oqýshylarǵa kerekti ádebıetti taýyp berý, baǵyt-baǵdar kórsetý, ádebıettiń tizimin qurastyrý sııaqty kóz­ge kórinbeıtin, mańyzy zor jumystar turaqty atqarylady. Kitaphana mektebimizdiń gúl­denýine mol úles qosyp, oqý­shylarǵa da, ustazdarǵa da úlken kómegin tıgizip otyr. Aıjan SULTANOVA, Dınara QANAFINA, №92 gımnazııanyń 9-synyp oqýshylary QARAǴANDY