Áleýmettik saladaǵy basty oqıǵa

«QazTransOıl» AQ-ta kompanııa men jumysshylar ujymy arasynda 2017-2019 jyldarǵa arnalǵan Ujymdyq kelisimshartqa qol qoıý rásimi ótti. Áleýmettik qorǵaý sala­syndaǵy basty qujatqa «QazTransOıl» AQ bas dırektory (Basqarma tóraǵasy) Dımash Dosanov jáne jumysshylar ókilderi, ıaǵnı kompanııa fılıaldary men ortalyq ap­parattyń bastaýysh kásipodaq uıymdary jáne jergilikti kásipodaq uıymdary kásipodaq komıtetteriniń tóraǵalary qol qoıdy.  Ujymdyq kelisimshart kompanııadaǵy áleýmettik-eńbek qatynastaryn retteıdi jáne jumysshylardy áleýmettik qoldaý, áleýmettik seriktestik aıasynda múddeler tepe-teń­digin ustaý, «QazTransOıl» AQ qyzmeti tıimdiligin artty­rý, kompanııanyń óndiris­tik-ekonomıkalyq qorytyn­dy­laryna jaýapkershilikti arttyrý maqsatynda qabyl­dandy. Ujymdyq kelisimshart «QazTransOıl» AQ jumys­shylaryn áleýmettik qoldaýdy Qazaqstan Respýblıkasy eńbek zańnamasymen belgilengen de­ńgeıden tómendetpeýge, sol sekildi jumyskerlerdi yn­talandyrýǵa, kásibı kadrlardy tartýǵa jáne qaldyrýǵa baǵyt­talǵan qosymsha áleý­mettik qoldaýǵa kepildik beredi. – Bul qujat kompanııanyń jumysshylarǵa jáne olardyń otbasylaryna áleýmettik qam­­­qorlyq kórsetýge daıyn ekendigin rastaıdy. «QazTransOıl» AQ ujymy segiz myńnan astam adamdy qu­raıdy, kompanııanyń magıs­tral­­dy munaı qubyrlarynyń qaýipsiz jáne senimdi jumysy solarǵa táýeldi. Ujymdyq keli­sim­shartta jumysshylar paıdasyna áleýmettik jeńil­dikter bekitilgen. Bular munaı tasymaly magıstraldarynyń irkilissiz jumys isteýine qısyn­dy jáne aqtalǵan salymdar, – dep atap ótti «QazTransOıl» AQ bas dırektory (Basqarma tóraǵasy) Dımash Dosanov. Qol qoıý rásiminde atap ótilgendeı, «QazMunaıGaz» UK» AQ kompanııalar tobyndaǵy ekonomıkalyq jaǵdaılarǵa baılanysty keıbir túzetýlerdi eskermegende, jumysshylar úshin barlyq áleýmettik tólem­der kólemi saqtalǵan. Qol qoıý kezinde qatysýshylar Ujymdyq kelisimsharttyń áleýmettik mańyzy jáne quqyq­tyq sıpatyn rastady jáne ony belgi­lengen merzimde oryndaýǵa mindettendi. «Egemen-aqparat»