Qazaqstan Respýblıkasynyń Zańy: № 33-VI QRZ

1-bap. Qazaqstan Respýblıkasynyń myna zańnamalyq aktilerine ózgerister men tolyqtyrýlar engizilsin:

1. «Quqyq qorǵaý qyzmeti týraly» 2011 jylǵy 6 qańtardaǵy Qazaqstan Respýblıkasynyń Zańyna (Qazaqstan Respýblıkasy Parlamentiniń Jar­shysy, 2011 j., № 1, 4-qujat; № 19, 145-qujat; 2012 j., № 3, 26-qujat; № 5, 41-qu­jat; № 8, 64-qujat; 2013 j., № 7, 34, 36-qujattar; № 14, 75-qujat; 2014 j., № 7, 37-qujat; № 8, 49-qujat; № 14, 84-qujat; № 16, 90-qujat; № 21, 122-qu­jat; № 23, 143-qujat; 2015 j., № 20-I, 111-qujat; № 21-III, 135-qujat; № 22-II, 148-qujat; № 22-III, 149-qujat; № 22-V, 154-qujat; 2016 j., № 7-I, 50-qujat):

22-1-bap mynadaı mazmundaǵy 5-tarmaqpen tolyqtyrylsyn:

«5. Sybaılas jemqorlyqqa qarsy qyzmettiń qyzmetkerleri úshin tizbesin Qazaqstan Respýblıkasynyń Prezıdenti bekitetin joǵary basshy quramnyń laýazymdary kózdeledi.

Sybaılas jemqorlyqqa qarsy qyzmettiń joǵary basshy quramdaǵy qyzmetkerleri úshin 3-sanatty joǵary biliktilik synyby belgilenedi.

Sybaılas jemqorlyqqa qarsy qyzmettiń joǵary basshy quramdaǵy qyzmetkerlerine biliktilik synybynda bolý merzimi belgilenbeıdi.

3-sanatty joǵary biliktilik synyby «general-maıor» arnaýly ataǵyna jáne «3-synypty memlekettik keńesshi» synyptyq shenine sáıkes keledi.».

2. «Qazaqstan Respýblıkasynyń memlekettik qyzmeti týraly» 2015 jylǵy 23 qarashadaǵy Qazaqstan Respýblıkasynyń Zańyna (Qazaqstan Respýblıkasy Parlamentiniń Jarshysy, 2015 j., № 22-V, 153-qujat; 2016 j., № 7-I, 50-qujat; 2016 jylǵy 6 jeltoqsanda «Egemen Qazaqstan» jáne «Kazahstanskaıa pravda» gazetterinde jarııalanǵan «Qazaqstan Respýb­lıka­synyń keıbir zańnamalyq aktilerine salyq salý jáne kedendik ákimshilendirý máseleleri boıynsha ózgerister men tolyqtyrýlar engizý týraly» 2016 jylǵy 30 qarashadaǵy Qazaqstan Respýblıkasynyń Zańy):

1) 15-baptyń 3-tarmaǵynyń úshinshi bóligi mynadaı redaksııada jazylsyn:

«Belgilengen biliktilik talaptaryna saı keletin «A» korpýsynyń memle­ket­tik ákimshilik qyzmetshileri «B» korpýsynyń memlekettik ákimshilik laýazym­da­ryna ýákiletti organmen kelisý boıynsha konkýrs ótkizilmesten ornalasa alady.»;

2) 28-baptyń 1-tarmaǵy mynadaı redaksııada jazylsyn:

«1. Jalpy konkýrs «B» korpýsynyń bos nemese ýaqytsha bos bolyp tabylatyn tómengi memlekettik ákimshilik laýazymyna, sondaı-aq osy Zańnyń 29-babynyń 2-1 jáne 3-tarmaqtarynda kózdelgen jaǵdaılarda tómengi laýazym bolyp tabylmaıtyn ózge bos nemese ýaqytsha bos memlekettik ákimshilik laýazymǵa ornalasý úshin ótkiziledi.»;

3) 29-bapta:

mynadaı mazmundaǵy 2-1 jáne 4-1-tarmaqtarmen tolyqtyrylsyn:

«2-1. Eger osy memlekettik organnyń memlekettik qyzmetshileri arasynda ishki konkýrs ótkizgen kezde konkýrstyq komıssııanyń nemese biryńǵaı konkýrstyq komıssııanyń oń qorytyndysyn alǵan qatysýshy bolmasa, ýákiletti organ aıqyndaıtyn jaǵdaılarda memlekettik organ barlyq memlekettik organdardyń memlekettik qyzmetshileri arasynda ishki konkýrs ótkizbesten, jalpy konkýrs ótkize alady.

Bul rette jalpy konkýrsqa qatysatyn memlekettik qyzmetshiler men osy baptyń 5-tarmaǵynda atalǵan adamdar testen jáne jeke qasıetterin baǵalaýdan ótpeıdi.»;

«4-1. Memlekettik organ qurylǵan kezde osy memlekettik organnyń memlekettik qyzmetshileri arasynda ishki konkýrs ótkizilmeıdi.»;

5-tarmaqtyń birinshi bóligi mynadaı redaksııada jazylsyn:

«5. Adam memlekettik ákimshilik qyzmetten shyǵarylǵan kúnnen bastap kúntizbelik otyz kún ishinde, eger ol ózge jeke jáne zańdy tulǵalarmen eńbek qatynastarynda turmasa, sondaı-aq Qazaqstan Respýblıkasynan tys jerge shyqpasa, ishki konkýrstyń nemese osy baptyń 2-1-tarmaǵyna sáıkes ótkizilgen jalpy konkýrstyń qorytyndysy boıynsha «B» korpýsynyń memlekettik ákimshilik laýazymyna ornalasýǵa quqyly.»;

4) 69-baptyń 1-tarmaǵy mynadaı redaksııada jazylsyn:

«1. Osy Zań 2016 jylǵy 1 qańtardan bastap qoldanysqa engiziledi.».

3. «Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly» 2015 jylǵy 23 qarashadaǵy Qazaqstan Respýblıkasynyń Zańyna (Qazaqstan Respýblıkasy Parlamentiniń Jarshysy, 2015 j., № 22-V, 154-qujat):

2-bap mynadaı redaksııada jazylsyn:

«2-bap. Osy Zań alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.».

2-bap. Osy Zań alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Prezıdenti N.NAZARBAEV

Astana, Aqorda, 2016 jylǵy 20 jeltoqsan

№ 33-VI QRZ