Astanada alǵash ret qaıyrymdylyq dúkeni ashyldy

Astanada alǵash ret qaıyrymdylyq dúkeni ashyldy. Iаǵnı ol tolyqtaı kómekke muqtajdardyń ıgiligine jumys jasaıdy, dep jazady Habar24. Mysaly, dúkendegi taýar jomart jandar ákelgen kıim, oıynshyq, kitap jáne taǵy basqa zattardan turady. Baǵalary tym arzan. Al satylymnan túsken qarjy aýyr naýqastanǵan balalalarǵa beriledi. Kishkentaı Dana úshin jaı ǵana mektepke barýdyń ózi úlken baqyt. О́ıtkeni týmasynan omyrtqasy aýyratyn búldirshinniń búginge deıin júrip-turýy muń bolǵan. Buǵan qosa, anasynan erte aıyrylǵan jetkinshekke eki jerde jumys isteıtin ákesi kóp kóńil bóle almaıdy. Kishkentaı qyzdyń máselesin qaıyrymdylyq dúkeniniń ıesi óz qolyna aldy. “Qamqorlyǵyma alǵan balalardyń kóbi medısınalyq kómekke zárý. Ásirese ólim aýzynda jatqandary júregimdi shymyrlatyp jiberedi. Qolymnan kelgenshe qol ushyn berip kelem. Jalpy adamdar bir-birine kómektesip, meıirbandyq, qamqorlyq degen uǵymdardy esten shyǵarmaǵany abzal,” – «Rıza» dúkeniniń ıesi Nurjamal Moldajanova. Nurjamal Moldajanova Astanada alǵash bolyp qaıyrymdylyq dúkenin ashty. Bunda meıirban jandar óz zattaryn ákeledi nemese arzan baǵada olardy satyp alýǵa bolady.