Zańdy aqshasyn ala almaı júr

Mańdaı ter, taban aqy arqyly bala-shaǵa nápaqasyn ildáldalap aıyryp júrgen eńbek adamdaryna jalaqy tólemeý, bolmasa keshiktirip berý faktileri oblysta azaıa­r emes. Búginge deıin 200-ge jýyq jeke tulǵadan ótinish túsip, jumys berýshilerge 35 mıllıon teńge aıyppul salynsa da, másele túpkilikti sheshimin tappaı otyr. Eńbek ınspektorlarynyń málimetteri boıynsha 11 kásiporynnyń ǵana bereshegi 70 mıllıon teńgeni quraıdy. Zańdy aqshalaryn daýlap júrgenderdiń sany tórt júz­den asyp jyǵylady. Ti­zimge engen jumysshy-qyz­met­kerlerdiń basym bóligi  – aýyldyqtar. Máselen, «Bı Elektro», «Aqjar Selına», «Qaırankól Astyq», «Trans Avto» syqyldy seriktestikter eńbekaqy jóninen qaryzǵa belsheden batqan. Jyl basynan beri jarty myńdaı mekemege tekseris júrgizilip, bir jarym myń eńbek zańnamasynyń buzylý oqıǵalary tirkelgen. 316 laýazymdy jáne zańdy tulǵaǵa 48 mıllıon teńge aıyppul salynyp, túrli jaza­larǵa tartylǵan. Eńbek qaýipsizdigi saq­talýynyń da ońyp turǵany shamaly. 69 jazataıym fak­tisi oryn alyp, 7 adam qaza tapqan. О́mir ESQALI, «Egemen Qazaqstan» Soltústik Qazaqstan oblysy