Lıam Smıt: «Kanelo» óz kúshin tekserý úshin kishi Chavespen aıqasady

WBO nusqasy boıynsha birinshi orta salmaqta álemniń burynǵy chempıony Lıam Smıt meksıkalyq Saýl Alvares pen onyń otandasy kishi Hýlıo Sezar Chaves arasyndaǵy jekpe-jek jaıly óz pikirin bildirdi. Bul týraly sports.kz habarlady. «Menińshe, «Kanelo» kishi Chavespen óz kúshin synaý úshin jekpe-jekke shyǵaıyn dep otyr. Alvares alysty oılaı biletin adam, onyń ústine bul keshten oǵan qyrýar qarjy túsetini taǵy bar. Chaves iri deneli, myqty boksshylardyń biri bolǵanmen, Saýl ony jeńedi dep oılaımyn», – dedi Lıam Smıt. Sonymen qatar, brıtanııalyq boksshy Golovkın men Djeıkobs arasyndaǵy aıqas jaıly da óz oıyn bildirdi. «Golovkın bul jerde Alvares sekildi qadamǵa bardy dep oılamaımyn. Dennı GGG úshin úlken synaq bolmaıdy. Jurttyń qaýesetin tyńdasam, Gennadıı buǵan deıin ataqty eshkimmen judyryqtaspapty. Esesine, Djeıkobstyń Kýıllındi utqanyn bári jarysa aıtady. Biraq Dmıtrıı Pırogpen ne bolǵanyn eske túsirip kórińizdershi. Menińshe, qazaqstandyq boksshy da dál sol keshte bolǵandaı 5-6 raýndta jeńiske jetedi», – dedi Fighthype.com tilshisine.